Վերապատրաստողի դիտարկում
ՀՊՉ-ի վերապատրաստումներ են իրականացնում
նաև Տավուշի մարզի ուսուցիչներից նրանք, ովքեր հաջողել են նոր չափորոշչի փորձարկումներում
և այսօր իրենց փորձառությունն են փոխանցում հանրապետության մյուս մարզերի ուսուցիչներին։
Այդ ուսուցիչներից է Տավուշի մարզի Բերքաբեր գյուղի հայոց լեզվի և գրականության ուսուցիչ
Անի Արզումանյանը, որը մեզ է փոխանցել իր անցկացրած վերապատրաստումներից ոգևորված ուսուցիչներից
մեկի դասերից մի պատառիկ։.png)
«Նոր ՀՊՉ-ի դասընթացից հետո մեր ուսուցիչներից
Լուսինե Մսրյանը (ՀՀ Շիրակի մարզի «Ոսկեհասկի միջնակարգ դպրոց») գեղեցիկ դաս ունեցավ 8֊րդ դասարանում։
Էռնեստ Հեմինգուեյի «Ծերունին և ծովը» վիպակի
ուսուցման ընթացքում փորձեցին կիրառել թեմատիկ պլանի նոր բաղադրիչ` «որտեղ»֊ը։
Այս դեպքում «որտեղ»֊ը լեռների մեջ ծվարած մի փոքրիկ լճակ էր, որը
(ինչպես երևաց դասի ավարտին) ծովի արժեք ունեցավ։ «Ձկնորս» աշակերտների
համար ուսուցիչը նախօրոք մշակել էր համապատասխան հարցեր` ստուգելու նրանց զգացածը,
այնուհետև դրանք համեմատելու ծերունու ապրումների հետ։ Դասի նպատակն իրատեսական էր,
քանզի դասի ավարտին բոլոր աշակերտներն ապրումակցեցին ծերունուն և համաձայնեցին նրա
հետ. «Բայց մարդը նրա համար չէ ստեղծված,որ պարտություն կրի։ Մարդուն կարելի է ոչնչացնել,
բայց չի կարելի հաղթել»։
Այս գեղեցիկ դասը համարում եմ ՀՊՉ-ի ներդրման հաջողված փորձ, արդյունավետ ներդրման վառ օրինակ։
Comments
Post a Comment