Սեմինար-քննարկում «Խնդիրների լուծման ուսուցումը լեզվական գրագիտության կարողունակության ձևավորման համատեքստում» թեմայով
2021թ. նոյեմբերի 23-ին «ԿԶՆԱԿ» հիմնադրամի դահլիճում տեղի ունեցավ «Խնդիրների լուծման ուսուցումը լեզվական գրագիտության կարողունակության ձևավորման համատեքստում» թեմայով սեմինար, որին ներկա էին թվով 14 մասնակից՝ Երևանից և տարբեր մարզերից:
Օրակարգ
Ծանոթության վարժություն 5 ր
Սահիկաշարի ներկայացում 10 ր
«Կարուսել» մեթոդի օգնությամբ խնդիրների լուծում: 20 ր
Խմբերը ներկայացնում են կատարած աշխատանքները: 15 ր
Կազմակերպում ենք համալսարանային /ֆրոնտալ/ քննարկում. ի՞նչ քայլա շարով ենք իրականացնելու, որքանո՞վ էր արդյունավետ մեթոդը, ո՞ր դասերին կարող եք օգտագործել: 10 ր
Ընդմիջում 5ր
Սահիկաշարի ներկայացում: 15 ր
Մասնակիցներին ներկայացվում են «Շիրակացու խնդիրներից», «Ոսկե սալոր ները» մաթեմատիկական հեքիաթի շուրջ կազմակերպվող աշխատանքները՝ խնդրի լուծման ուսուցումը՝ հասկանալով կարդալու որակական պահանջի կարևորման տեսանկյունից: Կիրառվել է 1,2,3՝ խնդիրը բերեք մեթոդը: 15 ր
Քննարկում. ի՞նչ քայլաշարով եք իրականացնելու, ուրիշ ի՞նչ մեթոդով կա րող եք իրականացնել վերոնշյալ աշխատանքը: 10 ր
Ամփոփումն իրականացվեց «Ճամպրուկ, մսաղաց, աղբաման» մեթոդի միջոցով:10ր
Հետադարձ կապի ապահովման նպատակով՝ մասնակիցներին հանձնարարել գործնական աշխատանք, մասնավորապես՝ ձեր դասավանդած առարկայի շրջանակում կիրառել սեմինարի ընթաց քում սովորած մեթոդները՝ փոխելով խնդիրները, սեմինարի ընթացքում ձեռք բերածը ընդհանրացնել դպրոցում: 5 ր
Ծանոթության վարժությունից հետո սահիկաշարի ցուցադրմամբ ներկայացվեց ուսումնասիրվող նյութը, քննարկվեցին ոչ ստանդարտ բնույթի խնդիրներ, կիրառվեցին մեթոդներ, որոնք ուսուցիչը կարող է օգտագործել դասագործընթացում:
Մասնակիցները խմբային աշխատանքի միջոցով մշակեցին «Ոսկե սալորները» մաթեմատիկական հեքիաթի իրականացման մեթոդական քայլաշարը:
Խմբերը ներկայացրին իրենց աշխատանքները՝ կարևորելով մաթեմատիկայի ուսումնական գործընթացում լեզվական կարողունակության ձևավորման պատշաճ մակարդակի ապահովման հարցը:
Կատարեցինք անդրադարձ «Ճամպրուկ, մսաղաց, աղբաման» մեթոդի միջոցով:
Հետադարձ կապի ապահովման նպատակով՝ մասնակիցներին հանձնարարվեց գործնական աշխատանք. աշխատանքները կվերլուծվեն երկշաբաթյա ժամկետում:
Չափորոշչի լրամշակման և զարգացման բաժնի մասնագետ՝ Մարինե Մանուկյան
Comments
Post a Comment