Սեմինար-քննարկում «ԿԶՆԱԿ» հիմնադրամում «Նախագծային ուսուցումը ԲՏՃՄ ոլորտում, պլանավորման սկզբունքները » թեմայով
Սույն թվականի դեկտեմբերի 15-ին «ԿԶՆԱԿ» հիմնադրամի դահլիճում կայացավ սեմինար-քննարկում «Նախագծային ուսուցումը ԲՏՃՄ ոլորտում, պլանավորման սկզբունքները» թեմայով։
Սեմինարը վարում էր «ԿԶՆԱԿ»հիմնադրամի Ուսումնական բնագավառների մշակման և զարգացման բաժնի ԲՏՃՄ մասնագետ, ք․գ․թ․ Կարինե Ավետիսյանը։
Օրակարգում՝
- Մասնակիցների գրանցում: Կարիքների վերհանում,
- Դասախոսություն «Նախագծային մեթոդը,որպես սովորողների, ստեղծագործական մտածողության զարգացման միջոց»,
- Նախագծային աշխատանքների տեսակները։ Նախագծային գործունեության հիմնական փուլերը,
- Նախագծի պլանավուրում, իրականացման քայլաշարի ներկայացում,
- Խմբային աշխատանքներ, քննարկումներ, անդրադարձ,
Սեմինարի կազմակերպման նպատակները՝
- Ծանոթացնել ուսուցիչներին նախագծային ուսուցման առանձնահատ-կություններին, նշել դրա ուժեղ և թերի կողմերը։
- Ըստ նոր չափորոշիչների նշել դրա պլանավորման և իրականացման սկզբունքները։
- Զարգացնել ուսուցչի մասնագիտական հմտությունները, ինքնուսուցման և ինքնադրսևորման կարողունակությունները:
- Ուսուցման գործընթացը ուղղորդել դեպի պլանավորած վերջնարդյունքների հասանելիություն:
Սեմինարին մասնակցող տարբեր դպրոցների բնագիտական առարկաների ուսուցիչներին մատուցվեց ծավալուն դասախոսություն «Նախագծային ուսուցումը, որպես սովորողների ստեղծագործական մտածողության զարգացման միջոց» թեմայով։
Ուսուցիչները ծանոթացան նախագծային ուսուցման սկզբունքներին, դրա ուժեղ և թույլ կողմերին։ Տարբերակեցին նախագծային աշխատանքների տեսակները, կազմակերպման փուլերը և նախագծի իրականացման քայլաշարը, արդյունքների գնահատումը։ Բուռն քննարկումների, խմբային աշխատանքի արդյունքում ուսուցիչներն արժևորեցին ուսուցման գործընթացում նախագծային աշխատանքների կարևորությունը՝ գիտելիքների, ունակությունների, հմտությունների գնահատումից՝ կարողունակությունների և վերջնարդյունքների գնահատմանն անցում կատարելու, ինչպես նաև նոր՝ ՀՊՉ-ի պահանջների իրականացումն ապահովելու գործում։
Ծավալված խմբային աշխատանքների, քննարկումների արդյունքում որոշվեց ևս մեկ ամիս հետո կազմակերպել հանդիպում և ունկընդրել յուրաքանչյուր մասնակցի կողմից իրականացված նախագծի ներկայացումը։
«ԿԶՆԱԿ» հիմնադրամի Ուսումնական բնագավառների մշակման և զարգացման բաժնի ԲՏՃՄ մասնագետ, ք․գ․թ․ Կարինե Ավետիսյանը
Comments
Post a Comment