«ԿԶՆԱԿ» հիմնադրամի ուսումնական բնագավառների մշակման և զարգացման բաժնի մասնագետ Աննա Ամիրջանյանը, չափորոշչի լրամշակման և զարգացման բաժնի մասնագետներ Նունե Ավետիսյանը և Մարինե Մանուկյանը մայիսի 27-ին աշխատանքային այցով հյուրընկալվել էին «Մխիթար Սեբաստացի» կրթհամալիր:
Նպատակը «Մխիթար Սեբաստացի» կրթահամալիրում անցկացվող Համբարձման ծեսին մասնակցելն էր: Մասնագետները շրջեցին կրթահամալիրի քոլեջում, ծանոթացան տարբեր սրահներում ծավալվող գործունեության տեսակներին (գինեգործություն, քանդակագործություն, կարուձև և այլն), սովորողների ստեղծագործական աշխատանքներին:
Հատկապես տպավորիչ էր Մառանը, որի ստեղծման պատմությունը բավականին հետաքրքիր ներկայացրեց գինեգործ Արտակ Ռշտունին:
Շրջայցն ավարտվեց «Վերնատուն» սրահում, որտեղ ջերմ մթնոլորտում քննարկվեցին կրթության բովանդակության բազմաբնույթ հարցեր:
.jpeg)
Comments
Post a Comment