«ՍԱՍՆԱ ԾՌԵՐ» ԷՊՈՍԻՆ ՆՎԻՐՎԱԾ ԱՇԱԿԵՐՏԱԿԱՆ ԱՇԽԱՏԱԺՈՂՈՎ

 

«ՍԱՍՆԱ ԾՌԵՐ» ԷՊՈՍԻՆ

ՆՎԻՐՎԱԾ ԱՇԱԿԵՐՏԱԿԱՆ ԱՇԽԱՏԱԺՈՂՈՎ ԱՆՑԿԱՑՆԵԼՈՒ

ԱՇԽԱՏԱԿԱՐԳ

Սովորողների շրջանում «Սասնա ծռեր» էպոսի՝ որպես ազգային բնավորության, հոգեբանության, պատմության, արժեհամակարգի կարևորությունը վերա­հաստա­տե­լու, էպոսը նորովի բացահայտելու, ազգային արժեքները գնահատելու, պահպանելու, մեր ժողովրդի անցյալի դասերը վերլուծելու, արժևորելու, գաղտնագրերը վերծանելու, ուղերձները ընկալելու համար «ԿԶՆԱԿ» հիմնադրամը Գյումրու թիվ 1 ավագ դպրոցի հետ համատեղ նախաձեռնել է անցկացնել աշակերտական աշխատա­ժո­ղով՝ նվիր­ված մեր էպոսին:

Աշխատաժողովի նպատակն է՝

Դպրոցում հետազոտական աշխատանքների իրականացմանը խթանելը
Աշակերտների վերլուծական մտածողության զարգացմանը, ընթերցասիրությանը նպաստելը
Էպոսի ուղերձները ճանաչելի դարձնելը
Աշակերտների մոտ թիմային աշխատանքի հմտություններ զարգացնելը
Աշխատաժողովին մասնակցելու պայմանները.

1. Աշխատաժողովն անցկացվելու է 2 փուլով:

· 1-ին փուլը ներդպրոցական է

Այս փուլն անցկացնում են դպրոցները: Դպրոցներում պետք է անցկացվեն էպոսին նվիրված համադպրոցական ընթերցանության ցերեկույթներ, որի ժամանակ աշա­կերտները բարձրաձայն, դերային բաժանմամբ կընթերցեն էպոսից դրվագներ, կպատ­մեն հետաքրքիր փաստեր էպոսի մասին Այս փուլը, հնարավորության դեպքում, կարելի է անցկացնել համայնքի տեսարժան վայրերից մեկում՝ միջոցառմանը մասնակից դարձնելով նաև համայնքի այլ դպրոցների աշակերտների, ուսուցիչների, ծնողների, հրավիրել համայնքի հարգարժան, նշանավոր մարդկանց (միջոցառման հետաքրքիր հատվածների տեսագրությունը ուղարկել «ԿԶՆԱԿ» հիմնադրամ):

· 2-րդ փուլը հանրապետական է

Այս փուլին մասնակցում են աշակերտները: Մասնակցել ցանկացող աշակերտը (աշակերտները) պետք է մանրամասն ուսումնասիրի էպոսը, փորձի յուրովի, նորովի բացահայտել այն, ճանաչի կերպարները, մեկնաբանի նրանց գործողությունների դրդա­պատճառները, անդրադառնա մեր ժողովրդի կյանքում էպոսի կարևորությանը: Աշխատանքները կարող են վերաբերել ամբողջ էպոսին կամ առանձին ներկայացվեն.
· Կերպարները
· Կանանց կերպարները (առանձին)
· Սասունցի Դավթին՝ որպես հավաքական հայ ժողովրդի կերպար
· «Սասնա ծռեր» վերնագրի ընկալումը
· Մեր ժողովրդի կյանքում էպոսի դասերի կարևորությունը
· Էպոսի կերպարների արդիականացումը
· Էպոսում հանդիպող տոները, ավանդույթները, ծեսերը, դրանց կենսունակությունը մեր օրերում
· Էպոսի պատմական և միֆական հիմքերը

Մասնակիցները կարող են ընտրել ներկայացված տարբերակներից մեկը կամ մի քանիսը, կարող են առաջարկել թեմաների իրենց տարբերակները:
Կառանձնացվեն և կգնահատվեն միայն ինքնուրույն, հետաքրքիր բացահայտում­ներով աշխատանքները: Աշխատանքների ծավալը՝ մինչև 5 տպագիր էջ, տառա­տեսակը՝ GHEA Grapalat, տողամիջյան տարածքը՝ 1,5։

Կարելի է աշխատանքը ներկայացնել սահիկաշարով:

Աշխատաժողվի ժամանակ աշխատանքները ներկայացնելու ժամանակահատ­վածը՝ մինչև 10 րոպե:

Ինչպես մասնակցել.

Աշխատաժողովին մասնակցելու համար, մինչև ս/թ հոկտեմբերի 10-ը պետք է գրանցվել հետևյալ հղումով՝ լրացնելով կից աղյուսակը՝

https://docs.google.com/forms/d/e/1FAIpQLSfnDKP5TotbDzreDOpY6U-ctvQZryThS7lNMnxsZijGWl-xtA/viewform

Աշխատանքները մինչև ս/թ հոկտեմբերի 31-ը պետք է ուղարկել «ԿԶՆԱԿ» հիմնա­դրամ՝ krtakannorararutyunner@gmail.com էլ.փոստի հասցեին՝ («Թեմա» բաժնում անպայման նշել «Սասնա ծռեր») ուղեկցող նամակով՝ նշելով մարզը, քաղաքը, դպրոցը, դասարանը, մասնակիցների անունները, ղեկավարի անունը, կոնտակտային հեռախոսահամարը:

Աշխատաժողովին կարող են մասնակցել ՀՀ հանրակրթական դպրոցների 7-12-րդ դասարանների աշակերտները: Աշխատանքները կարող են ներկայացվել անհատա­պես, կամ խմբերով՝ մինչև 5 հոգի (խումբը պետք է ունենա ղեկավար):

Աշխատաժողովի ամփոփումը.

Մասնագիտական թիմի կողմից ընտրված լավագույն աշխատանքների հեղինակները կհրավիրվեն մասնակցելու աշխատաժողովին՝ ներկայացնելու իրենց հետազոտական աշխատանքը::
Արդյունքների վերաբերյալ աշակերտները կտեղեկացվեն մինչև ս/թ նոյեմբերի 18-ը:
Լավագույն աշխատանքների հեղինակներին և նրանց դպրոցներին կտրվեն մասնակ­ցության վկայականներ:
Լավագույն աշխատանքները կհրապարկվեն «ԿԶՆԱԿ» հիմնադրամի բլոգում:
Աշխատաժողովը կանցկացվի Երևանում, մինչև ս/թ նոյեմբերի 25-ը:

Կազմկոմիտեն

Աշխատաժողովը կազմակերպելու, անցկացնելու, արդյունքնեն ամփոփելու համար ստեղծվում է կազմկոմիտե, որը ղեկավարում է «ԿԶՆԱԿ» հիմնադրամի տնօրեն Արտաշես Թորոսյանը:


Կազմկոմիտե.

Լիլիթ Մկրտչյան -«ԿԶՆԱԿ» հիմնադրամի կրթական նորարարությունների և հետազոտության վարչության պետ
Նաիրա Թադևոսյան -Գյումրու թիվ 1 ավագ դպրոցի տնօրեն
Նարինե Մնացականյան- ԿԶՆԱԿ» հիմնադրամի կրթական նորարարությունների բաժնի մասնագետ
Իզաբելա Աբրահամյան- «ԿԶՆԱԿ» հիմնադրամի կրթական նորարարությունների բաժնի մասնագետ
Վալտեր Բերբերյան - ԿԶՆԱԿ» հիմնադրամի կրթական նորարարությունների բաժնի մասնագետ
Մարիամ Պետրոսյան - ԿԶՆԱԿ» հիմնադրամի ուսումնական բնագավառների մշակման և զարգացման բաժնի մասնագետ
Լալա Գրքիկյան - Գյումրու թիվ 1 դպրոցի ուսուցիչ
Մանե Ալեքսանյան- Գյումրու թիվ 1 դպրոցի ուսուցիչ
Կարինե Զիլֆիմյան – Գյումրու թիվ 1 դպրոցի ուսուցիչ

«ԿԶՆԱԿ» հիմնադրամի կրթական նորարարությունների բաժին