ՀՀ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ և ՍՊՈՐՏԻ ՆԱԽԱՐԱՐՈՒԹՅՈՒՆԸ ԵՎ ԿՐԹՈՒԹՅԱՆ ԶԱՐԳԱՑՄԱՆ ԵՎ ՆՈՐԱՐԱՐՈՒԹՅՈՒՆՆԵՐԻ ԱԶԳԱՅԻՆ ԿԵՆՏՐՈՆԸ ՀԱՅՏԱՐԱՐՈՒՄ ԵՆ ՀԱՄԱՀԱՅԿԱԿԱՆ ԱՇԱԿԵՐՏԱԿԱՆ ԱՇԽԱՏԱԺՈՂՈՎ՝ ՆՎԻՐՎԱԾ «ՍԱՍՆԱ ԾՌԵՐ» ԷՊՈՍԻՆ ՍՓՅՈՒՌՔԻ ԿՐԹՕՋԱԽՆԵՐԻ ՀԱՄԱՐ

 

Ընդհանուր դրույթներ.

ՀՀ կրթության,մ գիտության, մշակույթի և սպորտի նախարարությունը ու Կրթության զարգացման և նորարարությունների ազգային կենտրոնը 2023 թվականին կազմակերպում եմ Համահայկական աշակերտական աշխատաժողով՝ նվիրված «ՍԱՍՆԱ ԾՌԵՐ» ազգային էպոսին:

«Սասնա ծռեր» էպոսը՝ որպես ազգային բնավորության, հոգեբանության, պատմության, արժեհամակարգի կարևորագույն գրական աղբյուր անսահման հնարավորություն է տալիս այն անընհատ նորովի բացահայտելու, ներկայացնելու, ազգային արժեքները գնահատելու, պահպանելու, անցյալի դասերը վերլուծելու, արժևորելու, գաղտնագրերը վերծանելու, ուղերձները ընկալելու համար:

 

Աշխատաժողովի նպատակը.

Աշխտաժողովի նպատակն է վերահաստատել «Սասնա ծռեր» էպոսի կարևորությունը և նպաստել աշակերտների պատկերային ու իմացական դաշտի ընդլայնմանը,  վերլուծական կարողությոնների զարգացմանը:

 Աշխատաժողովի մասնակիցները.

Աշխատաժողովին կարող են մասնակցել սփյուռքի բոլոր տեսակի կրթօջախների 13-18 տարեկան սաները:

 

Աշխատաժողովի մասնակիցներից ակնկալվում է.

Աշխատաժողովի մասնակիցներից ակնկալվում է մանրամասն ուսումնասիրել էպոսը, նախ՝ փորձել անել սեփական բացահայտումները, մեկնաբանել կերպարները և այնուհետև գրավոր ներկայացնել տպավորությունները, բացահայտումները, իմաստավորումներն ինչպես դյուցազնավեպի վերաբերյալ ամբողջությամբ, այնպես էլ՝ առանձին կերպարների և բովանդակային բաղադրիչների: Մասնավորապես  կարելի է անդրադառնալ.

·         էպոսի անվանմանը, ստեղծմանը, պատմությանը, նշանակությանը

·         կերպարներին

·         կանանց կերպարներին

·         Սասունցի Դավթին՝ որպես հայ ժողովուրդի հավաքական կերպարի

·         էպոսի կերպարներին մեր օրերում, էպոսի դասերին մեր օրերում

·         էպոսում արտացոլված տոներին, ավանդույթներին և այլ ազգագրական նյութերին, նշել, թե  որոնք են պահպանվել մինչև այսօր

·         պատմականը և միֆը էպոսում

·         էպոսում արտահայտված աշխարհայացքային և մանսավորապես՝ սոցիալական արժեքներին

·         այլ

 

Մասնակցելու կարգը.

Աշխատաժողովին կարելի է մասնակցել անհատապես կամ 5 հոգանոց խմբերով: Խումբը պետք է ունենա ղեկավար:

Աշխատաժողովին մասնակցել ցանկացողները պետք է մինչև 2023թ. մարտի 10-ը գրանցվեն հետևյալ հղումով.

https://docs.google.com/forms/d/e/1FAIpQLSdMo0Jx4oO9ZMTQkh7qsaCjDpNEf3Yyp_FxRlzW1-GyQhsG8g/viewform

Աշխատանքները մինչև 2023թ. մայիսի 31-ը պետք է ուղարկել ԿԶՆԱԿ հիմնադրամ՝ norararutyun1@gmail.com էլ.փոստի հասցեին՝ («թեմա» բաժնում անպայման նշելով «Սասնա ծռեր») ուղեկցող նամակով՝ նշելով երկիրը, քաղաքը, կրթօջախի անվանումը, մասնակիցների անունները, ղեկավարի անունը և էլեկտրոնային փոստի հասցեն:

Մասնակիցներին գնահատման հիմքերը.

ԿԶՆԱԿ-ի կողմից ձևավորված գնահատման հանձնաժողովի կողմից կառանձնացվեն և կգնահատվեն միայն ինքնուրույն, հիմնավորված, հետաքրքիր անձնական բացահայտումներով աշխատանքները: Աշխատանքների ծավալը՝ մինչև 5 տպագիր էջ, տառատեսակը՝ GHEA Grapalat, տողամիջյան տարածքը՝ 1,5։
Կարելի է աշխատանքը ներկայացնել սահիկաշարով:

 

Մեթոդական աջակցություն մանկավրժին.

2023թ. մարտ-ապրիլ ամիսներին, գրանցված մասնակիցների համար կկազմակերպվի 6 առցանց հանդիպում՝ «Սասնա ծռեր» էպոսն ուսումնասիրած տարբեր ոլորտների մասնագետների հետ՝ մանկավարժներին մեթոդական աջակցություն ցույց տալու նպատակով:

Աշխատաժողովի ամփոփումը.

Մասնագիտական հաձնաժողովի աշխատանքը կամփոփվի և կհրապարակվի մինչև 2023թ. սեպտեմբերի 30-ը: Արդյունքների մասին մասնակիցները կտեղեկանան անհատական նամակներից, ինչպես նաև ՀՀ ԿԳՄՍ նախարարության պաշտոնական www.escs.am կայքից: