Տեղեկատվական հանդիպում Արարատի մարզի հանրակրթական ուսումնական հաստատությունների տնօրենների և տնօրենների տեղակալների հետ
.png)
Ս/ թ մարտի 21-ին Արարատի մարզի Արտաշատի թիվ 1 հիմնական դպրոցում տեղի ունեցավ հանդիպում-սեմինար մարզի դպրոցների թվով 103 տնօրենների և տնօրենների տեղակալների հետ: Սեմինարը վարում էին ԿԶՆԱԿ հիմնադրամի տնօրենի ժ/պ պարոն Թորոսյանը, տնօրենի տեղակալ Ինգա Վարդանյանը, Չափորոշչի լրամշակման և զարգացման բաժնի մասնագետներ Լիանա Զոհրաբյանը և Կրթության նորարարությունների բաժնի մասնագետ Նաիրա Մնացականյանը: Ներկա էին նաև Արարատի մարզպետարանի Կրթության, մշակույթի և սպորտի վարչության պետ Մարտին Մանուկյանը և նույն բաժնի մասնագետները։
Արտաշես Թորոսյանը խոսեց կրթության բնագավառում առկա հիմնախնդիրների, դրանց վերացման ուղիների մասին: Ներկայացրեց պարտադիր ատեստավորման տված առավելությունները: Կարևորեց ԿԶՆԱԿ հիմնադրամի կողմից անցկացված և անցկացվելիք սեմինարները, տնօրենների կողմից այդ սեմինարներին մասնակից ուսուցիչների նոր մոտեցումներով աշխատանքին հետևելու անհրաժեշտությունը: Նշեց, որ ԿԶՆԱԿ-ի կայքում տեղադրված նյութերի կիրառությունը կդյուրինացնի թե՛ ուսուցչի, թե՛ տնօրենի աշխատանքը: Հորդորեց տնօրեններին Հայկական կրթական միջավայրի պաշարների շտեմարանում տեղադրել պահանջվող փաստաթղթերը: Ա. Թորոսյանը տեսչական ծրագրով ուսումնասիրություններ կատարված դպրոցների տնօրենների հետ առանձին քննարկում անցկացրեց՝ խոսելով դպրոցների համար ստեղծված ներդպրոցական վերահսկողության ծրագրի մասին և որ այդ ծրագրով առաջնորդվելու դեպքում կրթության որակը կբարելավի:
.png)
.png)
.png){kind=link}
Ինգա Վարդանյանը
ներկայացրեց մենթոր դպրոցներում իրականացվելիք վերապատրաստումների ժամանակացույցը:
Կոչ արեց ավելի լավ ուսումնասիրել Teams հարթակը՝ հեռավար անցկացվող վերապատրաստումներում
հաջողելու համար: Խոսեց ԿԶՆԱԿ-ի մասնագետների պատրաստակամության, հետևողականության, սովորեցնելու, օգնելու
և իրենց կողքին լինելու մասին: Ներկայացրեց որ ԿԶՆԱԿ հիմնադրամը կատարում է մշտադիտարկումներ, ցուցաբերում է ուսումնական և մեթոդական
աջակցություն, անհրաժեշտության դեպքում տրամադրում խորհրդատվություն:
Կրթական նորարարություների բաժնի մասնագետ Նարինե Մնացականյանը
ներկայացրեց արդեն իսկ շատ դպրոցներ ներառած GENERATION GLOBAL ծրագիրը, կարևորեց ծրագրին
մասնակցությունը՝ նշելով, որ այն լավ միջոց է անգլերենը բարելավելու, անկաշկանդ խոսելու,
ընդհանուր զարգացվածություն ձեռք բերելու համար: Ներկա տնօրեններից շատերին հետաքրքրեց
ծրագիրը, տեղում եղան առաջարկներ մասնակցության համար:
.png)
.png)
Չափորոշչի լրամշակման և զարգացման բաժնի մասնագետ Լիանա Զոհրաբյանը հանդիպման ժամանակ ներկայացրեց Ժողովրդավարական մշակույթի կարողունակությունների բնութագրիչները՝ կրտսեր տարիքի երեխաների համար: Բացատրեց, թե ինչ են վերը նշված բնութագրիչները, ներկայացրել այն չափանիշները, որոնք օգտագործվել են այդ բնութագրիչները ձևակերպելու համար: Այնուհետև մանրամասն ներկայացրեց առանձին բնութագրիչներ՝ բացատրելով այդ դրույթների միջոցով սովորողի մոտ կարողունակությունների զարգացման աստիճանի վեր հանման կարևորությունը: Բացատրեց նաև 21-րդ դարի հմտությունները:
ԿԶՆԱԿ
հիմնադրամ
Չափորոշչի լրամշակման
բաժնի մասնագետ՝
Լիանա Զոհրաբյան
.png)
.png)
Comments
Post a Comment