Վերջերս Արարատի մարզի Ղուկասավանի միջնակարգ դպրոցում ԿԶՆԱԿ հիմնադրամի կողմից անցկացվեց տեղեկատվական սեմինար Մասիսի տարածաշրջանի դպրոցների տնօրենների և տնօրենի տեղակալների համար, որին ներկա էին տարածաշրջանի տնօրեններն ու տնօրենի տեղակալները, ԿԶՆԱԿ հիմնադրամի տնօրենի ժ/պ Արտաշես Թորոսյանը, Հետազոտությունների և վերլուծությունների բաժնի պետ Իզաբելա Աբրահամյանը, Չափորոշչի լրամշակամն և զարգացման բաժնի մասնագետ Ռ. Կոստանյանը, ինչպես նաև Արարատի մարզի Կրթության վարչության պետ Մարտին Մանուկյանը։
Ա. Թորոսյանը խոսեց ներդպրոցական վերահսկողության
մասին, շեշտեց և կարևորեց վերջինիս հետ կապված գործողությունների ամենօրյա և հետևողական
կատարումը, վերահսկելիության ապահովումը, դրանց արդյունքների շարունակական վերլուծությունը:
Նշեց, որ ԿԶՆԱԿ հիմնադրամը մշակել է ներդպրոցական վերահսկողության մեխանիզմ և այժմ
նախապատրաստվում է մեթոդական նամակ, ուր առանձին օրինականերով տրվում են ամենամսյա
կտրվածքով կատարված աշխատանքները: Այնուհետև անդրադարձավ առաջիկայում մեկնարկվող վերապատրաստումներին,
որոնք անցկացվելու են վերապատրաստված մենթորների
կողմից մենթոր դպրոցներում:
Ռ. Կոստանյանը ներկայացրեց 21-րդ դարի հմտությունները
, որոնք անհրաժեշտ են սովորողին
տեղեկատվական դարաշրջանում իրենց կարիերայում հաջողության հասնելու համար: Անդրադարձավ առանձնացված 12 հմտություններին՝ զետեղելով դրանք երեք՝ կյանքի, սովորելու և գրագիտության
կատեգորիաներում: Այնուհետև թվելով դրանք՝ զուգահեռներ անցկացրեց առօրյայում հաճախ
հանդիպող դեպքերին /հեռախոսներ, համակարգիչներ, որոնք հաճախ երեխաների ձեռքում են/,
նշեց դրանք դրականորեն կիրառելու ուղիներն ու դրանց կարևորությունը:
Նույն ժամանակահատվածում հանդիպում կայացավ տեսչական գրավորների արդյունքում աջակցություն ստացող դպրոցների
տնօրենների հետ, որին իր մասնակցությունն ունեցավ ԿԶՆԱԿ հիմնադրամի Հետազոտությունների բաժնի պետ Իզաբելա Աբրահամյանը: Հանդիպման ընթացքում
քննարկվեց ԿԶՆԱԿ հիմնադրամի կողմից ուղղորդած աշխատակարգի քայլշարերն ու արդյունքերը:
Հանդիպումն ամփոփեց Մարտին Մանուկյանը՝ ցուցումներ տալով տարածաշրջանի դպրոցների
տնօրեններին՝ վերանայելու իրենց ընթացիկ աշխատանքները:
ԿԶՆԱԿ հիմնադրամ
Չափորոշչի լրամշակման և զարգացման բաժին
Comments
Post a Comment