Ս/թ մայիսի 20-ին ԵՊՀ մեծ դահլիճում տեղի ունեցավ «Հետազոտենք և բացահայտենք աշխարհը» աշակերտական աշխատաժողովի 2-րդ ամփոփիչ միջոցառումը, որին ներկա էին ԿԳՄՍ փոխնախարար Ա. Սվաջյանը, ԵՊՀ ռեկտոր Հ. Հովհաննիսյանը, «ԿԶՆԱԿ» հիմնադրամի գործադիր տնօրենի ժ/պ Ա. Թորոսյանը, Կրթական նորարարությունների և հետազոտության վարչության պետ Լ. Մկրտչյանը, Կրթական նորարարությունների բաժնի պետ Ս. Կոսյանը, ԿԶՆԱԿ հիմնադրամի մասնագետներ, ԵՊՀ դասախոսներ, տնօրեններ, ուսուցիչներ, ծնողներ, աշակերտներ և ազատ ունկնդիրներ:
Աշխատաժողովին մասնակցում էին 7-12-րդ դասարանների 245 աշակերտ, 61 դպրոցներից Արարատի, Արմավիրի, Գեղարքունիքի, Լոռու, Կոտայքի, Շիրակի, Սյունիքի, Տավուշի մարզերից և Երևանից:
Այս տարի ներկայացված հայտադիմումների թիվը գերազանցում էր նախորդ տարվա ցուցանիշը: Ստացվել է 150-ից ավելի հետազոտական աշխատանքներ հետևյալ բնագավառներից.
1) Հայոց լեզու և գրականություն.
2) Հայրենագիտություն.
3) Օտար լեզուներ.
4) ԲՏՃՄ.
5) Արվեստ և արհեստ.
6) Հասարակություն, հասարակական գիտություններ.
7) Ֆիզիկական կրթություն և անվտանգ կենսագործունեություն:
«Հետազոտենք և բացահայտենք աշխարհը» աշխատաժողովը հնարավորություն է ընձեռել դպրոցականների շրջանում զարգացնելու հետազոտական աշխատանք կատարելու և հաղորդակցական հմտությունները, ստեղծագործական միտքը, ինչպես նաև կապեր հաստատելու այլ դպրոցների աշակերտների հետ։
Աշխատաժողովի ավարտին ԵՊՀ Շառլ Ազնավուրի անվան մշակույթի կենտրոնի սաները հանդես եկան պարային և երաժշտական համարներով: Աշխատաժողովի մասնակից աշակերտները, ուսուցիչները կստանան էլեկտրոնային վկայականներ:
ԿԶՆԱԿ հիմնադրամ, Կրթական նորարարությունների բաժին
.png)
.png)
.png)
.png)
.png)
Comments
Post a Comment