Հանրակրթության պետական նոր չափորոշչի ներդրման շրջանակում ԿԶՆԱԿ հիմնադրամի տնօրենի պաշտոնակատար Արտաշես Թորոսյանը և տնօրենի տեղակալ Ինգա Վարդանյանը հոկտեմբերի 27- ին այցելել են Երևանի հ․94 դպրոց, որտեղ իրականացրել են սեմինարներ ուսումնական հասատատությունների տնօրենների, տնօրենի տեղակալների, մեթոդմիավորման նախագահների հետ։
Կարիքի գնահատմանը մասնակցել են Երևանի հ․94, 146 հ/դ , 156 հ/դ , 185 հ/դ , 126 հ/դ , 131 հ/դ , 138 հ/դ, 188 հ/դ , 168 հ/դ , 100 հ/դտնօրենները, տնօրենների տեղակալները և մ/մ նախագահները։
Կարիքի գնահատման ընթացքում քննարկվել են հետևյալ հարցերը՝
•Ո՞րն է դպրոցի տարեկան աշխատանքային պլանի նպատակը։
•Դպրոցի տնօրենի պաշտոնային ո՞ր պարտականության կատարմանն է այն նպաստում։
•Ի՞նչ հաճախությամբ պետք է տնօրենը գնահատի՝ կատարե՞լ է արդյոք տարեկան պլանով նախատեսված աշխատանքները։
•Դպրոցի ո՞ր մանկավարժական աշխատողները կարող են օգնել վերոնշյալ աշխատանքը կատարելիս։
Ա. Թորոսյանը և Ինգա Վարդանյանը վարել են տեղեկատվական սեմինարներ տնօրենների, տնօրենի տեղակալների և մեթոդմիավորումների նախագահների հետ։
Մեթոդմիավորման նախագահների հետ հանդիպումներում շեշտադրումներ են արվել երեք հիմնական ուղղություններով․
ա/ ներկայացվել են դասալսումների անցկացման նպատակները, ուղղորդումներ են տրվել դրանց պլանավորման և վերլուծման հետ կապված,
բ/ ծանոթացրել են գնահատման նոր մեթոդաբանությանը, իրազեկել են սովորողի առաջընթացի բարելավման դիտարկմանը հետևելու նոր ձևաչափի մասին․ դպրոցներում 5-րդ և 7-րդ դասարաններում հայտորոշիչ գնահատում է իրականացվելու թեման սկսելուց առաջ, իսկ թեմայի ավարտին տրվելու է ամփոփիչ թեստ։ Առաջարկվել է մեթոդմիավորման նախագահներին պարբերաբար կիրառել այս մոտեցումը, որը հաջողված գործիք է առաջընթացի բարելավմանը հետևելու տեսանկյունից։
գ/ առաջարկվել է պարբերաբար հետևել ԿԶՆԱԿ-ում տեղադրված նյութերին, օգտվել դրանցից՝ նոր չափորոշչի ներդրումը սահուն իրականացնելու համար։
Աշխատանքները կրելու են շարունակական բնույթ։
Comments
Post a Comment