Խորհրդատվական սեմինար
Գործնական աշխատանքներ
/ տեսակները, նմուշները, գնահատման չափանիշները /
ՀՀ-ում 2021 թվականից ընթանում է նոր Հանրակրթական պետական
չափորոշչի և առարկայական չափորոշիչների ու ծրագրերի ներդրման
գործընթացը: ՀՊՉ-ով սահմանվում է կարողունակահեն կրթության զարգացում: Բնագիտական
առարկաների կարողունակահեն կրթական մակարդակ ապահովելու կարևորագույն նախապայմանը
սովորողների գործնական հմտությունների զարգացումն է, ինչը ուսուցման ընթացքում
ապահովվում է գործնական աշխատանքների միջոցով։ Այդ նպատակով բնագիտական առարկաների
ուսումնական ծրագրերում զգալիորեն
ավելացվել է գործնական աշխատանքների, լաբորատոր փորձերի քանակը,
ուշադրության կենտրոնում են հայտնվել տարբեր այլընտրանքային գործնական
աշխատանքներ: Այս իսկ պատճառով ուսուցիչների մոտ ծագել են բազում հարցեր՝ ինչպե՞ս պլանավորել, ինչպե՞ս
իրականացնել և ինչպե՞ս գնահատել գործնական աշխատանքը:
ԿԶՆԱԿ հիմնադրամը՝ արձագանքելով ուսուցիչների նմանատիպ
հարցադրումներին, սույն թվի փետրվարի 27-ին և մարտի 13-ին
կազմակերպեց հեռավար խորհրդատվական
սեմինարներ Քիմիա, Բնություն և Աշխարհագություն
առարկաները դասավանդող ուսուցիչների համար՝ «Գործնական
աշխատանքները բնագիտական առարկաների ուսուցման գործընթացում» (տեսակներ,
նմուշներ, գնահատման չափանիշներ» թեմայով։
Խորհրդատվական սեմինարի նպատակն էր մեթոդմիավորումների
նախագահներին և ուսուցիչներին պարզաբանումներ տալ այն մասին, թե ինչ գործնական
աշխատանքներ կարելի է իրականացնել ըստ առարկայական ծրագրի, ինչպես կազմակերպել
այն՝ նվազագույն նյութատեխնիկական բազայով։
Արդյունքում ՀՀ տարբեր մարզերից մոտ 80 քիմիայի, բնության և
աշխարհագրության ուսուցիչներ մասնակցեցին այդ սեմինարին: Տեսական մասը ներկայացվեց
ԿԶՆԱԿ հիմնադրամի ԲՏՃՄ բնագավառի մասնագետ, քիմիական գիտությունների թեկնածու
Կարինե Ավետիսյանի կողմից։ Այնուհետև իրենց փորձով կիսվեցին փորձառու մանկավարժներ Ա․ Շահինյանի անվան Ֆիզմաթ հատուկ դպրոցի քիմիայի ուսուցիչ Քնարիկ Բդոյանը,
Օհանյան կրթահամալիրի քիմիայի ուսուցիչ Մարինե Գափոյանը, Գավառի թիվ 8 միջնակարգ դպրոցի և «Շիրակացու ճեմարան» միջազգային գ/հ քիմիայի ուսուցիչ
Մարիա Գևորգյանը և Արմավիրի թիվ 1 ավագ դպրոցի քիմիայի ուսուցիչ Կարինե Գևորգյանը։
Ուսուցիչները գործնական աշխատանքների իրականացման սեփական փորձին զուգընթաց, ցուցադրեցին իրենց կողմից նախապես նկարահանված փորձերը, ներկայացրեցին on-line լաբորատորիաների նոր կայքերը։ Ուսուցիչների տարաբնույթ հարցերին ԿԶՆԱԿ-ի ուսումնական բնագավառների մշակման և զարգացման բաժնի մասնագետի կողմից տրվեցին սպառիչ պատասխաններ։ Սեմինարը անցավ շատ գործնական մթնոլորտում, մասնակիցները ոգևորված էին իրենց գործընկերների փորձով և մոտիվացված նոր ձեռքբերումներով։
Comments
Post a Comment