ՀԱՅՏԱՐԱՐՈՒԹՅՈՒՆ

 

Հայոց լեզվի և գրականության սիրելի՛ ուսուցիչներ, ինչպես և խոստացել էինք, սկսում ենք 10-րդ դասարանի հայ գրականություն դասավանդող ուսուցիչների 16-ժամյա վերապատրաստում, որին մասնակցությունը կամավոր է։ Ներքևում դրված հղումով թող գրանցվեն միայն 10-րդ դասարանում Հայ գրականություն դասավանդող այն ուսուցիչները, ովքեր կարիք ունեն՝

•  ծրագրում առկա պարտադիր և լրացուցիչ բաժինների հետ աշխատանքը պատկերացնելու,
•  ծրագրում ներառված թեմաների նկարագրությամբ դասեր պլանավորելու,
•  տարբեր հեղինակների ստեղծագործությունների առանցքային գաղափարները ինտեգրելու,
•       իրական կյանքի հետ կապվող հարցադրումներ ձևակերպելու,
•       արժեքների վրա հիմնված դասեր վարելու,
•       ժամանակի կառավարման մեջ հմտանալու։

Գրանցումը բաց է հոկտեմբերի 4-ից մինչև հոկտեմբերի 9-ը՝ ժամը 17։00։ Դասընթացը երկարաժամկետ է, տևելու է հոկտեմբերից մինչև դեկտեմբեր, հիմնված է լինելու գործնականության, խմբային աշխատանքների և իրական դասավանդման փորձի վրա։ Վերապատրաստումը լինելու է հեռավար, շաբաթը երկու անգամ՝ օրական 1․5 ժամ տևողությամբ (օրերն ու ժամերը կհամաձայնեցվեն մասնակիցների հետ)։

Վերապատրաստումը կսկսվի հոկտեմբերի 14-ից։

Բոլոր հանդիպումները տեսաձայնագրվելու են, գրանցվելու է ուսուցիչների հաճախումը։ Վերապատրաստումներում լիարժեք մասնակցայնություն դրսևորած ուսուցիչները դասընթացի ավարտին կստանան մասնակցությունն ու ներգրավվածությունը հավաստող վկայական։ 3 և ավելի անգամ անհարգելի բացակայած ուսուցիչները կզրկվեն հետագա մասնակցությունից։

Սպասելու ենք իրենց մասնագիտական զարգացմանը հետամուտ ուսուցիչների։

Գրանցման հղումը՝

https://docs.google.com/forms/d/e/1FAIpQLSem7O3ymMGPJX1009--RE4f2F7FvH4LtDwUJHfoykyX5SmoRw/viewform