Նախադպրոցական ուսումնական հաստատությունների մենթորների վերապատրաստում

2025 թվական  հունիսի 27-ից մինչև հուլիսի 16-ը ներառյալ ԿԶՆԱԿ հիմնադրամի Հանրակրթության պետական չափորոշչի և ուսումնական ծրագրերի և Գնահատման մեթոդաբանության և մշտադիտարկման բաժինների կողմից «Նախադպրոցական կրթության պետական կրթական չափորոշչի և նախադպրոցական կրթական հիմնական ծրագրերի ներդրում»  ծրագրի շրջանակում իրականացվեց ՆՈՒՀ-երի մենթորների 24-ժամյա վերապատրաստման 2-րդ փուլը:   

ԿԶՆԱԿ հիմնադրամի մասնագետների կողմից վերապատրաստվել է  60 մենթոր՝ 3 խմբով։   

Վերապատրաստման մեկնարկին մշակվել են թեմաների վերաբերյալ  տեսադասեր, որոնք յուրաքանչյուր թեմայից առաջ տրամադրվել են մասնակիցներին: Վերապատրաստումն իրականացվել է հեռավար ձևաչափով: Վերապատրաստման ընթացքում իրականացվել են  տարաբնույթ գործնական աշխատանքներ: 

Հուլիսի 21-ից մենթոր ՆՈՒՀ-երի կողմից մեկնարկել է 106 խումբ մանկավարժական աշխատողների վերապատրաստումը: Խմբերը ձևավորվել են այն ՆՈՒՀ-երի մանկավարժական համակազմերից,  որոնք ՀՀ ԿԳՄՍ նախարարի «07»հուլիսի 2023թ. N 27-Լ և  «01» հուլիսի  2024 թ. N 42-Լ հրամաններով ընդգրկվել են նախադպրոցական կրթական հիմնական ծրագրերի փորձարկման գործընթացում: Վերջիններս վերապատրաստվում են վերոնշյալ ծրագրում ներառված թեմաներից մեկի շրջանակում: