Ավարտին մոտեցավ «Աստղագիտության ուսուցիչների վերապատրաստման աշխատաժողով 2025»-ը, որը տեղի ունենցավ հուլիսի 12-18-ը՝ Բյուրականի աստղադիտարանի (ԲԱ), Հայկական աստղագիտական ընկերության (ՀԱԸ) և Հայ Օգնության Ֆոնդի (ՀՕՖ) համաֆինանսավորմամբ։Այս տարի աշխատաժողովն անցկացվում է երկրորդ անգամ՝ շարունակելով նախորդ տարվա հաջողված փորձը։ Այս նախաձեռնությունն արդեն ձևավորում է աստղագիտական կրթության ամուր հարթակ՝ հանրակրթական դպրոցներում «Աստղագիտություն» առարկայի ուսուցիչների համար։
Ծրագրին այս տարի միացել է նաև Կրթության զարգացման և նորարարությունների ազգային կենտրոն (ԿԶՆԱԿ) հիմնադրամը։ Հիմնադրամի կողմից վերապատրաստման դասընթացներին ներգրավված էր Մարիամ Սարգսյանը՝ որպես վերապատրաստող մենթոր։ Մենթորական կազմը համալրում են նաև Սոնա Ֆարմանյանը և Աննա Մանուկյանը։
Դասախոսություններով հանդես եկան ԲԱ աստղագետներ՝ Արեգ Միքայելյանը, Հովհաննես Պիկիչյանը, Կամո Գիգոյանը, Հայկ Աբրահամյանը և Անդրանիկ Սուքիասյանը։
Ծրագրի ընթացքում կազմակերպվեցին ինչպես տեսական դասընթացներ, այնպես էլ գործնական և ճանաչողական այցեր։ Ծրագիրն ընդգրկում էր գիտաճանաչողական այցելություններ դեպի Շմիդտի 1 մետր դիտակ, Քարի լիճ, ինչպես նաև Չրի տուն։
Վերապատրաստման ծրագիրը նպատակ ունի ամրապնդել ուսուցիչների աստղագիտական գիտելիքները, տարածել ժամանակակից կրթական մոտեցումներ և ձևավորել նոր գործիքակազմ՝ դպրոցում «Աստղագիտություն» առարկան արդյունավետ կերպով դասավանդելու համար։
«Ուսումնասիրեցին դասավանդման նոր մոտեցումներ․ խնդիրների լուծման կարգեր ու մեթոդներ։ Փոխանակեցինք մեր ունեցած փորձն ու գիտելիքը, միմյանցից էլ շատ բաներ ունեինք սովորելու։ Գիտաճանաչողական տարբեր այցելություններ ունեցաննք, օրինակ, դեպի Շմիդտի 1 մետր դիտակ․․․ այ հիմա ավելի վստահ եմ, որ դասերն աշակերտներիս հետ անցնելու են ավելի հետաքրքիր ու նոր եռանդով ու էներգիայով լի», - նշեց Վեներա Միքայելյանը, ով ֆիզիկա, թվային գրագիտություն ոը բնություն է դասավանդում Սյունիքի Հարթաշեն գյուղի միջնակարգ դպրոցի 2-12-րդ դասարանցիներին։
Ծրագրի ավարտին մասնակից ուսուցիչները ստացան մասնակցության հավաստագրեր, ինչպես նաև մեթոդական ու տեղեկատվական նյութեր՝ հետագա կիրառման նպատակով։
.jpg)
Comments
Post a Comment