Հոկտեմբերի10-ին ԿԶՆԱԿ հիմնադրամի տնօրեն Ժաննա Հարությունյանը մասնակցել է ԿԳՄՍ նախարարության Կրթական տեխնոլոգիաների ազգային կենտրոնի «ՏՀՏ–ն կրթության մեջ» խորագրով երկօրյա խորհրդաժողովին։
Միջոցառմանը ներկա է եղել ԿԳՄՍՆ Նախարար Ժաննա Անդրեասյանը։
Ողջունելով ներկաներին և կարևորելով հանդիպման ձևաչափը՝ ԿԳՄՍ նախարար Ժաննա Անդրեասյանն անդրադարձել է կրթության ոլորտի թվայնացման գործընթացին՝ ընդգծելով, որ տեղեկատվական տեխնոլոգիաները մի կողմից բացում են նոր հնարավորություններ, մյուս կողմից՝ առաջ բերում նոր մարտահրավերներ:
Խորհրդաժողովի ընթացքում ներկայացվել և քննարկվել են կրթության կառավարման տեղեկատվական համակարգի, ենթահամակարգերի, «Իթվինինգ» ծրագրի առաջընթացի, կրթական համակարգում արհեստական բանականության ներդրման, հեռավար ուսուցման հարթակի առանձնահատկությունները, ինչպես նաև հանրակրթական դպրոցների ֆինանսավորման բանաձևի թվայնացման արդյունքները:
Բանախոսները ներկայացրել են «Պաշարների շտեմարանի», «Իթվինինգի», ՏՀՏ հեռավար վերապատրաստումների, կառավարման գործիքների հնարավորությունները, դրանց կիրառմամբ ձեռք բերված տվյալները:
Ներկաները բանախոսներին ուղղել են իրենց հետաքրքրող հարցերը, ծավալվել է շահագրգիռ քննարկում:
Comments
Post a Comment