ԿԶՆԱԿ հիմնադրամի գրադարանը համալրվել է Ակսել Բակունցի «Միրհավ» պատմվածքի անգլերեն թարգմանությամբ, աշխատանքային տետրով և աուդիո գրքով

 

Կրթության զարգացման և նորարարությունների ազգային կենտրոն (ԿԶՆԱԿ) հիմնադրամի գրադարանը համալրվել է արժեքավոր նոր հրատարակությամբ՝ Ակսել Բակունցի «Միրհավ» պատմվածքի անգլերեն թարգմանությամբ, որն իրականացվել է ԿԶՆԱԿ հիմնադրամի թարգմանիչ Հասմիկ Հովակիմյանի կողմից։

Թարգմանությունը նպատակ ունի Բակունցի խոսքի նրբությունն ու զգայական հարուստ աշխարհը հասանելի դարձնել նաև օտարալեզու ընթերցողին։

Հրատարակությունը ներկայացված է երեք փոխկապակցված բաղադրիչով․

• Գիրք՝ անգլերեն թարգմանությամբ
• Աշխատանքային տետր՝ ընթերցանության, քննարկման և լեզվական հմտությունների զարգացման համար
• Աուդիո գիրք՝ լսողական ընկալումը խթանելու և նյութը ավելի հասանելի դարձնելու նպատակով։

Այս ձևաչափը հնարավորություն է տալիս արդյունավետ կիրառել նյութը ինչպես ուսումնական միջավայրում, այնպես էլ ինքնուրույն ընթերցման ընթացքում՝ նպաստելով գրականության, թարգմանության և լեզվական կարողությունների զարգացմանը։