Հարգելի՛ սովորող, եթե սովորում ես Երևանի կամ ՀՀ մարզերի հանրակրթական դպրոցի 7–12-րդ դասարանում և ուզում ես բարձրաձայնել քեզ և մյուս սովորողներին հուզող հարցերը, ապա «Սովորողի ձայնը» նախագիծը քեզ համար է։
«Կրթության զարգացման և նորարարությունների ազգային կենտրոն» հիմնադրամը հրավիրում է Երևանի և ՀՀ մարզերի հանրակրթական դպրոցների 7-12-րդ դասարանների սովորողներին մասնակցելու «Սովորողի ձայնը» նախագծին։
Նախագիծը նպատակ ունի ստեղծել հարթակ, որտեղ սովորողները հնարավորություն կունենան արտահայտելու իրենց տեսակետները, ներկայացնելու իրենց և իրենց հասակակիցների կրթական կարիքները, հետաքրքրություններն ու առաջարկությունները և մասնակցելու կրթական գործընթացների բարելավմանն ուղղված քննարկումներին ու նախաձեռնություններին։
Նախագծի մասնակիցները հնարավորություն կունենան մասնակցել հանդիպումների, քննարկումների և աշխատաժողովների, իրենց դպրոցներում կազմակերպել քննարկումներ, ներկայացնել իրենց հասակակիցների բարձրացրած հարցերն ու առաջարկությունները, համագործակցել այլ դպրոցների սովորողների հետ և մշակել կրթական միջավայրի բարելավմանն ուղղված գաղափարներ ու նախաձեռնություններ։
Նախագծին մասնակցելու համար անհրաժեշտ է մինչև 2026 թվականի սեպտեմբերի 15-ը ներառյալ kznak.sovoroghi.dzayn@gmail.com էլեկտրոնային հասցեին մեկ նամակով ուղարկել մասնակցության ամբողջական փաթեթը՝
- լրացված մասնակցության հայտը,
- մոտիվացիոն նամակը,
- տեսաուղերձը,
- դպրոցում սովորելու վերաբերյալ տնօրենի կողմից տրված տեղեկանք,
- ծնողի կամ օրինական ներկայացուցչի գրավոր համաձայնություն՝ նախագծին մասնակցելու վերաբերյալ՝ սովորողի անչափահաս լինելու դեպքում։
Մասնակցության հայտի և ծնողի կամ օրինական ներկայացուցչի համաձայնության ձևերը, մոտիվացիոն նամակի և տեսաուղերձի ներկայացման պահանջները, մասնակիցների ընտրության չափանիշները և կարգը կցվում են հայտարարությանը։
Մասնակցության հայտի և ծնողի կամ օրինական ներկայացուցչի համաձայնության ձևերը, մոտիվացիոն նամակի և տեսաուղերձի ներկայացման պահանջները, մասնակիցների ընտրության չափանիշները և կարգը կցվում են հայտարարությանը։
Հղումները ստորև
- Մոտիվացիոն նամակի և տեսաուղերձի պահանջները
- Մասնակիցների ընտրության չափանիշները և կարգը
- Մասնակցության հայտ
- Համաձայնություն
Մասնակիցների ընտրությունը կիրականացվի նախապես սահմանված չափանիշների և կարգի համաձայն։ Նախագծում կընդգրկվեն Երևանից և ՀՀ մարզերից մինչև 25 սովորող՝ հաշվի առնելով տարածքային ներկայացվածությունը։
Նախագծի վերաբերյալ հարցերը կարող եք ուղարկել նույն էլեկտրոնային հասցեին, կամ աշխատանքային օրերին զանգահարել 033572111 հեռախոսահամարով, ժամը՝ 9։00-18։00-ն։
Քո ձայնը կարող է դառնալ դրական փոփոխությունների սկիզբը։
Միացի՛ր «Սովորողի ձայնը» նախագծին։
Comments
Post a Comment