Ծրագիրն իրականացվում է առաջին անգամ՝ «ԿԱԶԱ» շվեյցարական մարդասիրական հիմնադրամի և «Կրթության զարգացման և նորարարության ազգային կենտրոն» հիմնադրամի համագործակցությամբ:
Դասընթացի նպատակն է համակցված ուսումնառության միջոցով նպաստել «Հանրակրթության պետական չափորոշիչ»-ի հիմքում ընկած 8 առանցքային կարողունակությունների, տարրական, միջին և ավագ դպրոցներում դրանց վերջնարդյուքների, բնութագրիչների, զարգացման գործիքների վերաբերյալ տեսական և գործնական գիտելիքների ընդլայնմանը, գործնականում դրանք կիրառելու կարողությունների զարգացմանը:
Դասընթացին հնարավորություն կունենան ներգրավվելու 80 մասնակից՝ ՀՀ բոլոր մարզերից:
Դասընթացի ձևաչափ՝
Դասընթացը կառուցված է համակցված (առցանց և առկա տարբերակների համադրմամբ) ուսումնառության մոդելով՝ ընդհանուր 9 առցանց մոդուլ, 3 առցանց և 3 առկա հանդիպում։ Առկա հանդիպումներին մասնակիցների ճանապարհածախսի փոխհատուցում չի տրամադրվում:
Մասնակցության պայմաններ՝
Դասընթացը նախատեսված է հանրակրթական դպրոցում աշխատող ուսումնական աշխատանքների գծով տնօրենի տեղակալների համար:
Մասնակցության համար անհրաժեշտ է լրացնել հետևյալ հայտը /հղումը/
կամ կապ հաստատել «ԿԶՆԱԿ» հիմնադրամի հետ:
Աշխատանքային լեզու՝ հայերեն
Տևողություն՝ 12 շաբաթ (9 առցանց մոդուլ, 3 առցանց հանդիպում Զում հարթակում, 3 առկա հանդիպում)
Տեխնիկական պահանջներ՝
ՏՏ հիմնական հմտություններ, կայուն ինտերնետ կապի առկայություն
Դասընթացի ավարտին՝ ամփոփիչ հարցաշարի արդյունքների հիման վրա, մասնակիցները կստանան կարողությունները նկարագրող ավարտական վկայական:
Բարև Ձեզ։Ես ուզում եմ իմանալ վերապատրաստման պայմանները։
ReplyDeleteԴասընթացը միայն տնօրենի տեղակալների համա՞ր է
ReplyDeleteԲարև Ձեզ։ Առկա հանդիպումները որտե՞ղ են լինելու։
ReplyDeleteԵրբ՞ է սկսվելու,և որտեղ է լինելու առկա հանդիպումները։
ReplyDeleteՕրվա ընթացքում որ ժամանակահատվածում՞ ի՞նչ տևողությամբ
ReplyDelete