10.03.2022թ. «ԿԶՆԱԿ» հիմնադրամում կայացավ հանդիպում- քննարկում նախադպրոցական ուսումնական հաստատությունների տնօրենների հետ: Քննարկմանը ներկա էին տնօրեններ Տավուշի, Վայոց Ձորի, Արարատի, Կոտայքի մարզերի և Երևան քաղաքի նախադպրոցական ուսումնական հաստատություններից: Հանդիպմանը մասնակցում էին Երևանի քաղաքապետարանի աշխատակազմի հանրակրթության վարչության նախադպրոցական բաժնի աշխատակիցներ:
Քննարկման թեման էր «Նախադպրոցական ուսումնական հաստատության տարեկան աշխատանքային պլանը»:
Քննարկման սկզբում տնօրեններին ողջունեց «ԿԶՆԱԿ» հիմնադրամի կրթության բովանդակության մշակման վարչության պետ Գագիկ Մելիքյանը:
Այնուհետև ուսումնական բնագավառների մշակման և զարգացման բաժնի մասնագետ Աննա Ամիրջանյանը ներկայացրեց նախադպրոցական ուսումնական հաստատության տարեկան աշխատանքային պլանի նմուշօրինակ: Դրա շուրջ ծավալված քննարկման ընթացքում մասնակիցները մտքեր փոխանակեցին առանձին դրույթների վերաբերյալ:
Հանդիպում-քննարկման երկրորդ մասում մասնակիցները խմբային աշխատանքի միջոցով կազմեցին և ներկայացրին տնօրենի ամսական աշխատանքային պլան:
Քննարկվեցին մարզային առանձնահատկություներով, ինչպես նաև, կազմակերպաիրավական տեսակով պայմանավորված որոշակի հարցեր:
Comments
Post a Comment