Հանրային լրագրության ակումբը , համագործակցելով «Կրթության զարգացման և նորարարությունների ազգային կենտրոն» հիմնադրամի հետ, նոյեմբերի 14-18-ը՝ ժամը 13:00-ին, կազմակերպում է մեդիագրագիտությանը նպաստող վերապատրաստում,որին հրավիրում է մասնակցել մեդիագրագիտությամբ հետաքրքրվող մանկավարժական աշխատողներին:
Սեմինարներից
յուրաքանչյուրը տևելու է 2-2,5 ժամ,յուրաքանչյուր խմբի հետ նախատեսվում է 1
հանդիպում, որից յուրաքանչյուրին մասնկացելու է 30 մանկավարժ։ Ընդհանուր առմամբ՝ սեմինարներին
մասնակցելու հնարավորություն է ունենալու 150 մանկավարժ՝ ՀՀ մարզերից։
Սեմինարների
նպատակն է մանկավարժներին ներկայացնել մեդիագրագիտության
ռեսուրսները, որոնք ստեղծվել են նույն ծրագրի շրջանակում։ Այդ ռեսուրսներն իրենց
մեջ ներառում են՝
- «Մեդիագիտակ» սեղանի խաղը, որը նախատեսված է երիտասարդների և մեծահասակների համար։ Խաղի նպատակն է խթանել շահառուների մեդիագրագիտության կարողությունների զարգացումը, քննադատական մտածողությունը և փաստերի ստուգման գիտելիքների աճը։
- «Վստահի՛ր ինձ» վավերագրական ֆիլմը, որի հայերեն թարգմանության, ինչպես նաև հեղինակային իրավունքը և ցուցադրման բացառիկ թույլտվությունը ՀԼԱ-ն ձեռք է բերել «Մեծահասակների հզորացում մեդիագրագիտությամբ» ծրագրի շրջանակում և մեկանգամյա թույլտվությամբ այն հեռարձակվել է հանրային հեռուստաընկերության եթերում, ինչպես նաև կազմակերպվել են ֆիլմի դիտում-քննարկումներ ՀՀ մարզերում։ «Վստահիր ինձ» վավերագրական ֆիլմը պատմում է ապատեղեկատվության և դրա դեմ պայքարի մասին։ Ֆիլմում ներկայացվում են դեպքեր, որոնք ի ցույց են դնում ապատեղեկատվության ազդեցության հետևանքները՝ հանրային կարծիքի ձևավորման, ըստ այդմ, հանրային վարքագծի փոփոխման տեսանկյունից։ Ֆիլմում ներկայացվում են մարդկային պատմություններ, որոնք ճակատագրական և շրջադարձային ապրումներ են ունեցել՝ հավատալով կեղծ տեղեկատվությանը։
- Մեդիագրագիտության իրազեկվածությանը խթանող խաչբառը, որը շահառուներին
ծանոթացնում է մեդիա աշխարհի տերմիններին և սովորեցնում մեդիագրագիտության
հիմնական կանոնները։
Սեմինարների
շրջանակում ՀԼԱ-ն նախատեսում է մանկավարժներին տրամադրել «Մեդիագիտակ» սեղանի խաղի
օրինակները, խաչբառեր և ֆիլմի ցուցադրման փակ հղումը, որը ծրագրի շրջանակում
հասանելի է լինելու մինչև տարվա ավարտը։ Մանկավարժները դրանք հետագայում կկարողանան կիրառել
իրենց կրթական հաստատություններում՝ մուլտիպլիկացիոն ազդեցությամբ շրջանառելով
սեփական փորձը և գիտելիքները մեդիագրագիտության համատեքստում։
ՀԻՇԵՑՈՒՄ
Սեմինարներն անցկացվելու են
նոյեմբերի 14 – 18-ը։ Սեմինարներին գրանցվելու համար հարկավոր է լրացնել առցանց հայտը։ Հայտերի ներկայացման վերջնաժամկետն է ս․թ․ նոյեմբերի 10-ը։
Հարցերի դեպքում կարող եք կապ հաստատել ԿԶՆԱԿ հիմնադրամի ներկայացուցչի՝ Իզաբելա Աբրահամյանի հետ՝ izabelapogosyan@gmail.com էլեկտրոնային փոստի միջոցով : Վերապատրաստումները կկայական Տիգրան Մեծի 67 հասցեում՝ ԿԶՆԱԿ հիմնադրամի շենքում։
Սեմինարների շարքն իրականացվում է «Մեդիագրագիտություն հասարակության խոցելի մեծահասակների համար 2.0» ծրագրի շրջանակում։ Ծրագիրն իրականացվում է Դի-Վի-Վի Ինթերնեյշնալի հայաստանյան գրասենյակի և Հանրային լրագրության ակումբի կողմից Գերմանիայի Դաշնային Հանրապետության Արտաքին գործերի նախարարության աջակցությամբ, ԿԶՆԱԿ հիմնադրամի գործընկերայնությամբ:
Comments
Post a Comment