.png)
ԿԶՆԱԿ հիմնադրամի կրթական նորարարությունների բաժինը իրականացրեց ևս մեկ սեմինար «Մեդիագրագիտությունը՝ որպես արդյունավետ դասավանդման և ուսումնառության կարողունակություն» թեմայով դասընթաց հասարակագիտական ու բնագիտական բնագավառների դասավանդող ուսուցիչների համար: Այն կազմակերպվելու է բոլոր մարզերի ուսուցիչների համար առանձին ձևաչափով:
Մարտի 30-31-ին հեռավար հանդիպում- դասընթաց կազմակերպվեց Կոտայքի մարզի ուսուցիչների համար, ովքեր վերապատրստումից հետո պետք է ներկայացնեն մեդիակարողունակություններ խթանող դասի կամ նախագծային աշխատանքի պլան ու ստանան մասնակցության հավաստագիր:
Հաջորդ ամիսներին «Մեդիագրագիտությունը՝ որպես արդյունավետ դասավանդման և ուսումնառության կարողունակություն» թեմայով դասընթացին կարող են մասնակցել հանրապետության մյուս մարզերի ուսուցիչները (Հաջորդիվ Արագածոտնի մարզն է):
Ծրագրի նպատակն է՝
- աջակցել ուսուցիչների մեդիագրագիտության բարձրացմանը
- նպաստել սովորողի մեդիագրագիտության կարողունակությունների ձևավորմանը
- օգնել ուսուցիչներին՝ ինտեգրելու մեդիագրագիտության բաղադրիչները տարբեր առարկաների ծրագրերում, անցկացնել ինտերակտիվ, գործնական ու հետաքրքիր դասեր ու նախագծեր, որոնք կօգնեն ձևավորել մեդիա և թվային հմտություններ
- նվազագույնի հասցնել ուսուցիչների, սովորողների վրա մեդիայի բացասական ազդեցությունները, որոնք առաջանում են ապատեղեկատվության, սխալ, թերի տեղեկատվության հետևանքով։
ԿԶՆԱԿ հիմնադրամ, Կրթական նորարարությունների բաժին
.png)
.png)
.png)
.png)
.png)
.png)
.png)
.png)
Comments
Post a Comment