Հանրակրթության պետական նոր չափորոշչի ներդրման շրջանակում ԿԶՆԱԿ հիմնադրամի տնօրենի պաշտոնակատար Արտաշես Թորոսյանը, տնօրենի տեղակալ Ինգա Վարդանյանը, Կրթության բովանդակության մշակման վարչության պետ Գագիկ Մելիքյանը հոկտեմբերի 17- ին այցելել են Վայոց Ձորի մարզի Եղեգնաձորի տարածաշրջանի թվով 10 դպրոցներ, որտեղ իրականացրել են սեմինարներ ուսումնական հասատատությունների տնօրենների, տնօրենի տեղակալների, մեթոդմիավորման նախագահների հետ։
Կարիքի գնահատմանը մասնակցել են ք. Եղեգնաձորի հ․ 1 հմ/դ, ք. Եղեգնաձորի Հ.Հովհաննիսյանի անվ. հ․ 2 հմ/դ, ք. Եղեգնաձորի ա/դ, գ. Գլաձորի մ/դ, գ. Վերնաշենի մ/դ, գ. Գետափի մ/դ, գ. Արփիի Վ. Լևոնյանի անվան մ/դ, գ. Ագարակաձորի Յու. Խաչատրյանի անվան մ/դ, գ. Մալիշկայի թիվ 1 մ/դ, գ. Մալիշկայի Մ. Լոմոնոսովի անվան մ/դ դպրոցների տնօրենները։
Կարիքի գնահատման ընթացքում քննարկվել են հետևյալ հարցերը՝
•Ո՞րն է դպրոցի տարեկան աշխատանքային պլանի նպատակը։
•Դպրոցի տնօրենի պաշտոնային ո՞ր պարտականության կատարմանն է այն նպաստում։
•Ի՞նչ հաճախությամբ պետք է տնօրենը գնահատի՝ կատարե՞լ է արդյոք տարեկան պլանով նախատեսված աշխատանքները։
•Դպրոցի ո՞ր մանկավարժական աշխատողները կարող են օգնել վերոնշյալ աշխատանքը կատարելիս։
Ա. Թորոսյանը և Գ․ Մելիքյանը վարել են տեղեկատվական սեմինար մեթոդմիավորումների նախագահների հետ։
Մեթոդմիավորման նախագահների հետ հանդիպումներում շեշտադրումներ են արվել երեք հիմնական ուղղություններով․
ա/ ներկայացվել են դասալսումների անցկացման նպատակները, ուղղորդումներ են տրվել դրանց պլանավորման և վերլուծման հետ կապված,
բ/ ծանոթացրել են գնահատման նոր մեթոդաբանությանը, իրազեկել են սովորողի առաջընթացի բարելավման դիտարկմանը հետևելու նոր ձևաչափի մասին․ դպրոցներում 5-րդ և 7-րդ դասարաններում հայտորոշիչ գնահատում է իրականացվելու թեման սկսելուց առաջ, իսկ թեմայի ավարտին տրվելու է ամփոփիչ թեստ։ Առաջարկվել է մեթոդմիավորման նախագահներին պարբերաբար կիրառել այս մոտեցումը, որը հաջողված գործիք է առաջընթացի բարելավմանը հետևելու տեսանկյունից։
գ/ առաջարկվել է պարբերաբար հետևել ԿԶՆԱԿ-ում տեղադրված նյութերին, օգտվել դրանցից՝ նոր չափորոշչի ներդրումը սահուն իրականացնելու համար։
Աշխատանքները կրելու են շարունակական բնույթ։
Տաթևիկ Հարությունյան ԿԶՆԱԿ հիմնադրամ
Comments
Post a Comment