ՀՀ ԿԳՄՍՆ -ի ԿԶՆԱԿ հիմնադրամի, Կրթական նորարարությունների բաժինը շարունակում է «Մեդիագրագիտությունը՝ որպես արդյունավետ դասավանդման և ուսումնառության կարողունակություն» թեմայով վերապատրաստում հեռավար ձևաչափով, որը նախատեսված է ՀՀ-ի բոլոր մարզերի ուսուցիչների համար:
Վերապատրաստման այս փուլում ընդգրկվելու են Վայոց ձորի և Սյունիքի մարզերի ուսուցիչները:
Ծրագրի նպատակն է
- աջակցել ուսուցիչների մեդիագրագիտության բարձրացմանը.
- տրամադրել համապատասխան գործիքակազմ՝ հանրակրթական նոր չափորոշչի վերջնարդյունքների ապահովման համար.
- ծանոթացնել ուսուցիչներին նախագծային, հետազոտական աշխատանքների կազմակերպման, ինչպես նաև դասի պլանի կազմման տեխնիկական և բովանդակային կողմերին:
Ծրագրի խնդիրները՝
- ուսուցիչների խմբի կարիքների գնահատում.
- մեդիագրագիտության իրազեկվածության և կրթության բարելավում.
- նորարարական ռեսուրսների կիրառում
Ծրագրի ընթացքը՝
- Կամավորության սկզբունքով վերապատրաստմանը մասնակցելու են Գեղարքունիքի և Շիրակի մարզերի ուսուցիչները:
- Վերապատրաստման սեմինարային հանդիպումը լինելու է մեկ անգամ 120 րոպե տևողությամբ, հեռավար ձևաչափով:
- Վերապատրաստված ուսուցիչները անհատապես կամ խմբերով աշխատելու են որևէ նախագծային, հետազոտական աշխատանքի կամ դասի պլանի ստեղծման շուրջ ( խմբի կազմում կարող են համագործակցել առավելագույնը 3 ուսուցիչ):
- Ուսուցիչներին նախապես տրվելու են աշխատանքային բնութագրիչները
- Աշխատանքի ներկայացման համար տրվելու է 20 օր ժամանակ
- Ընթացքում կազմակերպվելու են հանդիպում-քննարկումներ թիմս հարթակում ձևավորված խմբում, բաժնի մասնագետների հետ՝ ըստ կարիքների
Ծրագրի ավարտը՝
- Պատրաստի աշխատանքները ուղարկվելու են ԿԶՆԱԿ հիմնադրամ նշված էլ. հասցեով՝ krtakannorararutyunner@gmail.com
Նախապես տրված չափանիշներին համապատասխանելու դեպքում ուսուցչին կտրվի վկայական, որը կհամարվի ուսուցչի մասնագիտական զարգացման ապահովման համար կատարված աշխատանքի ցուցիչ:
- Վկայագրված ուսուցիչների աշխատանքները կտեղակայվեն «Պաշարների
շտեմարանում»
Դասընթացին գրանցման վերջնաժամկետն է նոյեմբերի 25-ը:
Դասընթացի անցկացման օրվա, ժամի մասին տեղեկությունը և հղումը կստանաք էլեկտրոնային փոստով:
Գրանցման համար լրացնել հայտը
ԿԶՆԱԿ հիմնադրամ,
Կրթական նորարարությունների բաժին
Comments
Post a Comment