Սույն թվականի օգոստոսի 26-ին ԿԶՆԱԿ հիմնադրամում առցանց ձևաչափով մեկնարկեց «Ժողովրդավարական մշակույթի կարողունակություններ/ԺՄԿ» վերապատրաստման դասընթացը։
Նպատակ ունենալով զարգացնել Հանրակրթության պետական չափորոշչի առանցքային կարողունակություններից «Ժողովրդավարական» կարողունակությունը՝ ԿԶՆԱԿ հիմնադրամը կազմակերպեց Եվրոպայի Խորհրդի «Ժողովրդավարական մշակույթի և միջմշակութային երկխոսության համար պահանջվող կարողունակությունների մոդել»-ի ուսումնասիրության վերապատրաստման դասընթաց։
Վերապատրաստման ընթացքում մանկավարժական համակազմին ներկայացվեց «Ժողովրդավարական մշակույթի կարողունակությունների մոդել»-ի 20 կարողունակությունները, դրանց բաղադրիչները/ արժեքներ, վերաբերմունք, հմտություններ, գիտելիք և քննադատական ըմբռնում/ և դրանց միջև առկա հարաբերությունները։ Ակնկալվում էր, որ մասնակիցները կարժևորեն ժողովրդավարական մշակույթի, միջմշակութային երկխոսության, այլոց արժանապատվության և իրավունքների նկատմամբ հարգանքի տարածման կարևորությունը, կկարողանան գործուն մասնակցություն ունենալ ժողովրդավարության մշակույթի տարածման և մշակութապես բազմազան ժողովրդավարական հասարակությունում այլոց հետ միասին խաղաղ ապրելու գործընթացներին, կկարողանան կրթական նորարարություններին համահունչ, բազմակողմանի և թափանցիկ, համակարգված մոտեցում ցուցաբերել ժողովրդավարական մշակույթի անհրաժեշտ կարողունակությունների ուսուցման, ուսումնառության ու գնահատման, կրթության համակարգերում դրանց ներդրման ուղղությամբ։
Դասընթացին մասնակցեցին ՀՀ տարբեր մարզերի ուսումնական հաստատությունների ուսուցիչներ, փոխտնօրեններ և տնօրեններ։ Մասնակիցներից ընտրվեցին մենթորներ՝ շարունակելու դասընթացի կազմակերպումը կլաստերային ձևաչափով։
Հանրակրթության պետական չափորոշչի
և ուսումնական ծրագրերի բաժնի մասնագետ
Լիանա Զոհրաբյան
.png)
.png)
.png)
Comments
Post a Comment