Նոյեմբերի 27-ին ԿԶՆԱԿ հիմնադրամում տեղի ունեցավ հանդիպում Մելանյա Դավթյանի հետ, որը հեղինակել է մեծանուն քանդակագործ Խորեն Տեր-Հարությանին նվիրված գիրքը՝ «Խորենի հետ, Խորենի մասին» վերնագրով։
Հեղինակը ներկաներին պատմեց քանդակագործի անցած դժվարին ուղու մասին, Խարբերդի Աշոտավան գյուղում անցկացրած մանկության տարիների, թուրքական կոտորածների, տեղահանության մասին։
Քանդակագործը անկախությունից հետո վերադարձել է հայրենիք իր ստեղծագործությունների հետ, և այժմ դրանք պահվում են Էջմիածնում իր անունը կրող թանգարանում։
Խորեն Տեր-Հարությանը իրավամբ արժանացել է հայրենիքի արժանավոր զավակը կոչվելու մեծ պատվին։
Մելանյա Դավթյանը պատասխանեց ներկաների հնչեցրած բոլոր հարցերին և վերջում իր հեղինակած գիրքը նվիրեց ներկաներին։
Comments
Post a Comment