«Նախադպրոցական կրթության պետական կրթական չափորոշիչն ու նախադպրոցական հիմնական ծրագրերը կիրառության մեջ» թեմայով առկա սեմինարների շարք

Սույն թվականի դեկտեմբեր ամսին ԿԶՆԱԿ հիմնադրամի Հանրակրթության պետական չափորոշչի և ուսումնական ծրագրերի բաժնի նախադպրոցական մասնագետներ Աննա Ամիրջանյանի և Անահիտ Վիրաբյանի կողմից Արմավիրի, Արագածոտնի և Կոտայքի մարզերում իրականացվեցին առկա սեմինարներ՝ «Նախադպրոցական կրթության պետական կրթական չափորոշիչն ու նախադպրոցական հիմնական ծրագրերը կիրառության մեջ» թեմայով։

Սեմինարների նպատակն էր՝ զարգացնել մասնակիցների մասնագիտական հմտությունները, ապահովել շարունակական կրթություն։

Սեմինարների ընթացքում կիրառվեցին T-աձև աղյուսակ,  քառաբաժան մեթոդները։ Մասնակիցների հետ իրականացվեց գործնական աշխատանք՝ թեմատիկ պարապմունքի պլանավորում։

Արմավիրի մարզում սեմինարին մասնակցեց 70 մասնակից։ Սեմինարին ներկա էին ԿԶՆԱԿ հիմնադրամի 5 մենթոր՝ ներառյալ Արմավիրի մարզի երկու մենթոր ՆՈՒՀ-երի տնօրեններ։

Արագածոտնի մարզում սեմինարին մասնակցեց 66 մասնակից։ Սեմինարին ներկա էր ԿԶՆԱԿ հիմնադրամի 1 մենթոր։

Կոտայքի մարզում սեմինարի մասնակիցները թվով 46-ն էին։

Սեմինարներն անցան շատ ջերմ և կառուցողական մթնոլորտում։

Հանդիպումների ավարտին ԿԶՆԱԿ հիմնադրամի մասնագետները պատասխանեցին մասնակիցներին հուզող բազմաբնույթ հարցերին։