Իրականացվում են ֆրանսերենի ուսուցիչների վերապատրաստման գործընթացի մշտադիտարկումներ

ԿԶՆԱԿ հիմնադրամի մասնագետները մշտադիտարկում են իրականացնում Երևանի և մարզերի 6 դպրոցներում (Երևանի Ա.Մարգարյանի անվան հ.29 ավագ դպրոց, Երևանի Տ.Շևչենկոյի անվան հ.42 ավագ դպրոց, Երևանի Բ.Ժամկոչյանի անվան հ.119 ավագ դպրոց, Արմավիրի Ռ.Եղոյանի անվան հ.1 ավագ դպրոց, Աշտարակի Պ.Պռոշյանի անվան հ.3 հիմնական դպրոց, Հրազդանի Հ.Օրբելու անվան հ.13 ավագ դպրոց), որտեղ «Ֆրանսերենը որպես օտար լեզու․ վերապատրաստում, արդիականացում և խթանում» ծրագրի շրջանակում իրականացվում են վերապատրաստումներ Ֆրանսերենի ուսուցիչների համար ՀՀ կրթության, գիտության, մշակույթի և սպորտի նախարարության ու Հայաստանում Ֆրանսիայի դեսպանության համագործակցությամբ:   Ծրագիրը միտված է  Հայաստանում ֆրանսերենի ուսուցիչ-վերապատրաստողների ազգային ցանցի ձևավորմանն ու մասնագիտական կարողությունների հզորացմանը: Ծրագիրը նպատակ ունի աջակցելու ֆրանսերենի նոր ուսումնական ծրագրերի ներդրմանն ու դասավանդման որակի շարունակական բարձրացմանը։ Այն  ներառում է 9 առանձին մշակված դասընթաց, որոնք ձևավորվել են՝ հիմնվելով ոլորտում արձանագրված կարիքների վրա։ Յուրաքանչյուր դասընթաց ուղղված է որոշակի մասնագիտական հմտությունների զարգացմանը՝ միաժամանակ խրախուսելով դրանց գործնական կիրառությունը դասարանային միջավայրում։