Նշելով Երեխաների համաշխարհային օրը՝ նպատակ ունենք
օգնելու երեխաներին հասկանալ իրենց իրավունքներն ու պարտականությունները ինչպես իրական,
այնպես էլ վիրտուալ աշխարհում։
Առցանց գտնվելը. Մատչելիություն և Ներառականություն
Յուրաքանչյուր երեխա ունի ինտերնետին հասանելիության իրավունք՝ անկախ սեռից, ռասայից,
ազգային պատկանելությունից, կրոնից, ծագումից կամ առողջական վիճակից։ Ամեն մի մեծահասակի
պարտականությունն է աջակցել երեխաներին՝ օգտվելու այս իրավունքից։
Ուսուցիչը կարող է
ü իր դասարանի հետ առցանց ուսումնասիրել բազմազանության և ներառականության հետ
կապված արդի թեմաներ։
ü քննարկել, թե ինչ կարելի է անել, որպեսզի բոլոր երեխաները հնարավորություն ունենան դառնալու «թվային քաղաքացիներ»։
Ուսուցում և Ստեղծագործություն
Երեխաներն ունեն իրավունք տարբեր մեդիա ձևաչափերով
(տեքստ, գրաֆիկա, բանավոր խոսք և այլն) սովորել
խելամտորեն օգտագործել թվային գործիքները՝ բովանդակությանը հասանելիություն ստանալու,
տեղեկատվություն որոնելու, ուրիշների հետ շփվելու և գաղափարներ փոխանակելու համար։
Ուսուցիչը կարող է
ü ստեղծել բլոգ աշակերտների հետ երեխաների իրավունքների մասին և հրավիրել դասարանի
յուրաքանչյուր երեխայի՝ մասնակցելու բովանդակության ստեղծմանը։
ü սովորեցնել աշակերտներին ստեղծագործաբար օգտագործել թվային գործիքները՝ նյութեր առցանց հրապարակելու համար։
Մեդիա և տեղեկատվական
գրագիտություն
Բոլոր երեխաները պետք է ունենան հավասար հնարավորություններ՝ սովորելու ինչպես ստեղծագործել և կիրառել իրենց ստեղծագործական ունակությունները։
Ուսուցիչը կարող է
ü նախաձեռնել դասարանում առցանց որոնում՝ առցանց իրավունքներին առնչվող արդի թեմայի շուրջ։ Ինչպիսի գիտելիքներ և հմտություններ, ըստ աշակերտների, պետք է ունենան նրանք՝ թեման քննադատաբար գնահատելու և օբյեկտիվ տեսակետ ձևավորելու։
Օնլայն բարեկեցություն
Էթիկա և կարեկցանք
Ֆիզիկական և հոգեկան առողջական սահմանափակումներ
ունեցող երեխաներն ունեն նույն իրավունքները, ինչ մյուս երեխաները՝ արժանապատվության,
ինքնուրույնության և առցանց ու առկա խմբերին ակտիվ մասնակցության։
Ուսուցիչը կարող է
ü Օգտագործել երկրում վերջերս տեղի ունեցած անհանգստացնող մի դեպքի մասին պատմություն և քննարկել աշակերտների հետ, թե ինչ կզգային նրանք, եթե այդ դեպքը տեղի ունենար իրենց հետ։
Առողջություն և բարեկեցություն
Երեխաներն ունեն իրավունք՝ պաշտպանված լինելու ֆիզիկական
և հոգեկան բռնության ու վատ վերաբերմունքի բոլոր ձևերից, ինչպես նաև ցանկացած շահագործումից,
որը կարող է վտանգել իրենց առողջությունը կամ բարեկեցությունը։
Ուսուցիչը կարող է
ü Խնդրել աշակերտներին մի շաբաթ շարունակ
գրի առնել իրենց գործունեության և առցանց ու օֆլայն անցկացրած
ժամանակի մասին։
ü Կազմակերպել դասարանական քննարկում տեխնոլոգիաների անվտանգ օգտագործման մասին և խրախուսել աշակերտներին՝ քննարկելու իրենց գրառումները։
Էլեկտրոնային ներկայություն և հաղորդակցություն
Երեխաներն ունեն իրավունք՝ պաշտպանված լինել իրենց
բարեկեցության և հեղինակության դեմ ուղղված ցանկացած հարձակումից։
Ուսուցիչը կարող է
ü Խնդրել սովորողներին ինքնուրույն առցանց որոնում կատարել իրենց անուններով։ Արդյո՞ք նրանք որևէ անսպասելի բան կհայտնաբերեն։ Կկիսվե՞ն հայտնաբերված տվյալներով ծնողների հետ։
Առցանց իրավունքներ
Ակտիվ մասնակցություն
Երեխաներն ունեն իրավունք՝ ազատ արտահայտելու իրենց
կարծիքը և ակտիվ մասնակցելու բազմազան խմբերում։
Ուսուցիչը կարող է
ü Կազմակերպել դասարանական բանավեճ հետաքրքիր թեմայի շուրջ։
ü Խրախուսել աշակերտներին՝ ներկայացնելու իրենց նախընտրելի լուծումները, իսկ դասը եզրափակել քվեարկությամբ։ Այս գործողության (բանավեճի ու քվեարկության) շնորհիվ երեխաները կհասկանան, թե որքան կարևոր է իրենց կարծիքը, և քվեարկությունը որպես ժողովրդավարական որոշում կայացնելու միջոց։
Իրավունքներ և պարտականություններ
Երեխաներն օգնության կարիք ունեն՝ հասկանալու իրենց
իրավունքները և այդ իրավունքներին ուղեկցող պարտականությունները՝ թե՛ ֆիզիկական, թե՛
առցանց աշխարհում։
Ուսուցիչը կարող է
ü Խնդրել աշակերտներին նախագծել հորինված կայքի կանոններն ու պայմանները։
ü Քննարկել, թե որո՞նք են օգտատերերի իրավունքները, և ինչպե՞ս են դրանք ազդում նրանց պարտականությունների վրա։
Գաղտնիություն և անվտանգություն
Երեխաներն ունեն իրավունք՝ պահպանելու իրենց գաղտնիությունը
ինչպես առցանց, այնպես էլ իրական աշխարհում։
Ուսուցիչը կարող է
ü Խնդրել աշակերտներին ստեղծել մի քանի «ապահով» գաղտնաբառեր
և փորձարկել դրանք գաղտնաբառերի ստուգման կայքում՝ տեսնելու, թե որքան ապահով են դրանք
իրականում։
ü Քննարկել, թե որն է ապահով գաղտնաբառը, և որքա՞ն հեշտությամբ կարող է այն վնասվել։
Առցանց իրավունքներ
Ֆինանսական անվտանգություն
Երեխաներն ունեն իրավունք՝ սովորելու ինչպես ճանաչել
ոչ պատշաճ մարքեթինգային նյութերը և գաղտնիության խախտման փորձերը, ինչպես նաև հասկանալ,
թե ինչպես կարող են իրենց վրա ազդել և մոլորեցնել տարբեր առաջարկներն ու գովազդները։
Ուսուցիչը կարող է
ü Խնդրել աշակերտներին մեկ շաբաթ շարունակ գրառել այն բոլոր ապրանքների մասին,
որոնք նրանք տեսնում են գովազդում և ցանկանում են գնել։
ü Օգնել նրանց վերլուծել իրենց ցուցակի ապրանքների ազդեցությունը շրջակա միջավայրի կայունության վրա (այսինքն՝ ինչպես են այդ ապրանքների արտադրությունը, օգտագործումը և վերամշակումը ազդում բնության ու մոլորակի ռեսուրսների վրա)։
Օգնել երեխաներին հասկանալ իրենց իրավունքներն
ու պարտականությունները իրական և վիրտուալ աշխարհում։
Այլ հրապարակումներ Թվային քաղաքացիության կրթության վերաբերյալ
ü Educating for a video game culture – A map for
ü teachers and parents (2021)
ü Digital citizenship education - Trainers’ Pack (2020)
ü Digital Citizenship Education – Lesson plans for educators available at
https://www.coe.int/en/web/education/new-materials
ü Digital Citizenship Education Handbook (2019)
ü Bullying: perspectives, practice and insights (2017)
ü Internet Literacy Handbook (2017)
Լրացուցիչ տեղեկություն կարող եք գտնել այստեղ:
www.coe.int/education
Եվրոպայի խորհուրդը մեր մայրցամաքի առաջատար կազմակերպությունն
է՝ մարդու իրավունքների պաշտպանության ոլորտում։ Այն միավորում է 47 անդամ երկրներ,
այդ թվում՝ Եվրամիության բոլոր անդամ պետությունները։
Բոլոր անդամ երկրները ստորագրել են Մարդու իրավունքների
եվրոպական կոնվենցիան, որի նպատակն է ապահովել մարդու իրավունքների, ժողովրդավարության
և օրենքի գերակայության պաշտպանությունը։ Կոնվենցիայի իրականացման ընթացքը անդամ երկրներում
վերահսկվում է Մարդու իրավունքների եվրոպական դատարանի կողմից։
Comments
Post a Comment