Հարգելի՛ ուսուցիչներ, ԿԶՆԱԿ հիմնադրամը սկսում է 11-րդ դասարանի «Բնագիտություն» առարկան դասավանդող ուսուցիչների 20-ժամյա վերապատրաստման դասընթացները, որին մասնակցությունը կամավոր է։ Միայն 11-րդ դասարանում «Բնագիտություն 11» առարկան դասավանդող ուսուցիչները թող ուղարկեն իրենց տվյալները ստորև տեղադրված Էլեկտրոնային հասցեին`
Տվյալներ՝ Անուն Ազգանուն, մարզ, դպրոց, հեռախոս, թիմսի կոդ t_ ...., էլ․ հասցե։
Ուսուցիչների գրանցումը բաց է հոկտեմբերի 18-20-ը՝ ժամը 17։00-ն։
Դասընթացը իրականացվելու է հոկտեմբերի վերջից մինչև դեկտեմբերի վերջը, հեռավար ձևաչափով, շաբաթը մեկ անգամ, օրվա երկրորդ կեսին։ Յուրաքանչյուր հանդիպում տևելու է օրական 2 ժամ /120 րոպե /։
Դասընթացի ընթացքում ուսուցիչները․
- Կծանոթանան «Բնագիտություն 11» ինտեգրված դասընթացի ուսուցման առանձնահատկություններին, դասընթացի առանձին բաժինների դասավանդման յուրահատկություններին, թեմատիկ պլանավորմանը և իրականացման սկզբունքներին, կարժևորեն դրա ուժեղ և թերի կողմերը։
- Կվերաարժևորեն ինտեգրված գիտելիքների, դասավանդման ժամանակակից, մեթոդների /քննական, համագործակցային/ դերը հանրակրթությունում՝ բնության երևույթների միասնական ընկալման և սովորողների մոտ կարողունակությունների զարգացման գործում։
- Կարժևորեն ինքնուսուցման և ինքնադրսևորման կարողունակությունների դերը ուսուցչի մասնագիտական հմտությունների զարգացման գործում:Բոլոր հանդիպումները տեսաձայնագրվելու են, գրանցվելու է ուսուցիչների հաճախումը։ Միայն լիարժեք մասնակցություն դրսևորած ուսուցիչները դասընթացի ավարտին կհրամանագրվեն։ Գրանցված, սակայն 3 և ավելի անգամ անհարգելի բացակայած ուսուցիչները կզրկվեն հրամանագրումից։Վերապատրաստումը կսկսվի հոկտեմբերի 23-ից, ժամի մասին կտեղեկանաք ձևավորված խմբերում։ Տվյալները ուղարկել հետևյալ էլհասցեով՝ karine-avetisyan55@rambler.ru
Comments
Post a Comment