Աշխատաժողովի մարզային փուլը կազմակերպվեց բոլոր մարզերի և Երևան քաղաքի մենթոր ՆՈՒՀ-երում:
Աշխատաժողովին տարբեր մարզերում և ՆՈՒՀ-երում ներկա էին ԿԳՄՍ նախարարության հանրակրթության վարչության պետ Թամարա Սարգսյանը, ԿԳՄՍ նախարարության հանրակրթության վարչության նախադպրոցական կրթության ոլորտը համակարգող մասնագետ Թեհմինե Կարախանյանը, ԿԶՆԱԿ հիմնադրամի Հանրակրթության պետական չափորոշչի և ուսումնական ծրագրերի բաժնի մասնագետ Անահիտ Վիրաբյանը:
Վերջիններս ողջունել են ներկաներին և կարևորել նախադպրոցական կրթությունը անձի ամբողջական զարգացման գործում:
ԿԶՆԱԿ հիմնադրամի տնօրեն Ժաննա Հարությունյանը և ԿԶՆԱԿ հիմնադրամի ուսուցիչների մասնագիտական զարգացման բաժնի պետ Նարինե Սիրականյանը ներկա են գտնվել Գյումրի համայնքի ՆՈՒՀ-երի աշխատաժողովին։ Ժ․ Հարությունյանը հանդես է եկել ողջույնի խոսքով և ՆՈՒՀ-երին նվիրել է գրքեր՝ սաների մանկական գրադարանը հարստացնելու նպատակով:
Միջոցառումն ուներ 4 ուղղություն.
- Անվտանգ և ապահով կրթական միջավայր.
- Անվտանգ և ապահով ֆիզիկական միջավայր.
- Անվտանգ և առողջ միջավայր.
- Բռնությունից զերծ միջավայր:
Վերոնշյալ ուղղություններով ներկայացվեց 200-ից ավելի զեկույց: Խոսնակները ՆՈՒՀ-երի մանկավարժական աշխատողներ, ինչպես նաև տարբեր կառույցների՝ ՏՄԱԿ, ՆԳՆ, ԱԻՆ, ներկայացուցիչներ էին:
Բոլոր պետական և համայնքային նախադպրոցական ուսումնական հաստատություններից եղել են ներկայացուցիչներ: Այս տարի աշխատաժողովի մարզային փուլին մասնակցել են նաև դպրոցին կից գործող նախակրթարանների դաստիարակները, նաև լիցենզավորված ոչ պետական նախադպրոցական հաստատությունների ներկայացուցիչներ:
Մենթոր ՆՈՒՀ-երին մեծապես աջակցել են տվյալ համայնքի պատասխանատուները:
Քննարկումները եղել են բուռն՝ ակտիվ, կառուցողական մթնոլորտում: Ներկայացված էքսպոն ևս թեմատիկ ուղղվածություն ուներ:
Սույն թվականի դեկտեմբերի 12-ին նախատեսվում է աշխատաժողովի հանրապետական փուլը, որը կանցակցվի Երևան քաղաքում:
.jfif)
.jfif)
Comments
Post a Comment