ԷՍՍԵԻ ՓՈՐՁՆԱԿԱՆ ՔՆՆՈՒԹՅՈՒՆԸ ՇԱՐՈՒՆԱԿՎԵՑ ՆՈՐ ՆՈՐՔ ԵՎ ԱՎԱՆ ՎԱՐՉԱԿԱՆ ՇՐՋԱՆՆԵՐԻ ՍՈՎՈՐՈՂՆԵՐԻ ԵՎ ՈՒՍՈՒՑԻՉՆԵՐԻ ՀԱՄԱՐ
Փետրվարի 11-ին ԿԶՆԱԿ հիմնադրամը Երևանի Արտեմ Միկոյանի անվան հ․166 հիմնական դպրոցում իրականացրեց էսսեագրության փորձնական քննություն թվով 70 9-րդ դասարանցիների և գործնական սեմինար Նոր Նորք և Ավան վարչական շրջանների հիմնական և միջնակարգ դպրոցների գրականության և պատմության թվով 80 ուսուցիչների համար։
Էսսեագրության փորձնական քննությանը և գործնական սեմինարին մասնակցում էին Նոր Նորք և Ավան վարչական շրջանների հիմնական և միջնակարգ դպրոցների տնօրեններ, տնօրենի տեղակալներ, մեթոդմիավորման նախագահներ և ուսուցիչներ։
ԿԶՆԱԿ հիմնադրամի տնօրեն Ժաննա Հարությունյանը ողջունեց ներկաներին, ներկայացրեց հանդիպման նպատակը, Էսսեագրության ձևաչափը և պատասխանեց սովորողներին և ուսուցիչներին հուզող հարցերին։
Քննության սկզբում սովորողները ստացան էսսեի տեքստը, և ԿԶՆԱԿ-ի ՀՊՉ և ԱԾ բաժնի պետ, մ․ գ․ թ․ Գայանե Մկրտչյանը նրանց բացատրեց, թե ինչ քայլաշարով և ինչ բանալի բառերով պետք է գրեն էսսեն։
Քննության ավարտից հետո Գայանե Մկրտչյանը ներկայացրեց նաև էսսեի գնահատման չափանիշները, և ուսուցիչները ստուգեցին սովորողների գրավորները։
Հատուկ շնորհակալություն ենք հայտնում Արտեմ Միկոյանի անվան հ․166 դպրոցի տնօրեն Մարգարիտ Քուշկյանին աշխատանքների կազմակերպման, դպրոցներին հյուրընկալելու, ջերմ ու աշխատանքային միջավայր ապահովելու համար։
Գործընթացը շարունակական է։
Comments
Post a Comment