Ավարտվեցին ինտեգրված էսսեի փորձնական քննությունները Երևանում

ԿԶՆԱԿ հիմնադրամի նախաձեռնությամբ փետրվարի 25-ին էսսեագրության փորձնական քննություն անցկացվեց Երևանի Լեոնիդ Ազգալդյանի անվան հ.200 հիմնական դպրոցում։

Գործընթացին մասնակցեցին Դավթաշեն վարչական շրջանի  դպրոցների գրականության և պատմության ուսուցիչներ, ՀՀ ԱՆ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի մասնագետներ, ոչ պետական կրթական հաստատությունների, պետական հանրակրթական դպրոցների ուսուցիչներ, տնօրեններ, տնօրենի տեղակալներ և մեթոդմիավորման նախագահներ, ովքեր հնարավորություն ունեցան և՛ հետևելու գործընթացին, և՛ անմիջականորեն մասնակցելու էսսե գրելուն,  քննարկելուն, գնահատման չափանիշներին համապատասխան արդեն գրված գրավորները ստուգելուն և փորձի փոխանակմանը, արձանագրելու այս ձևաչափով հանդիպման արդյունավետությունը։

Շնորհակալություն ենք հայտնում դպրոցի տնօրեն Մարինե Հովհաննիսյանին՝ աշխատանքների պատշաճ կազմակերպման և դպրոցներին հյուրընկալելու համար։

Այսպիսով, ԿԶՆԱԿ հիմնադրամն ավարտեց առկա գործնական սեմինարների շարքը Երևանում և նախատեսում է սկսել մարզային այցեր՝ տեղերում աջակցելու ուսուցիչներին և սովորողներին։ 

Երևանում իրականացված գործընթացի արդյունքում ունենք այսպիսի պատկեր․

Հ․	ամսաթիվ	Վարչական շրջան/դպրոց	Մասնակից սովորող	Մասնակից ուսուցիչներ
1․	Հունվարի 16	Կենտրոն-Հ․ Կոջոյանի անվան դպրոց	50	39
2․	Հունվարի 23	Աջափնյակ-հ․ 146 դպրոց	90	54
3․	Փետրվարի 3	Մալաթիա-Սեբաստիա-հ․ 174 դպրոց	147	58
4․	Փետրվարի 6	Էրեբունի-հ․ 35 դպրոց	60	90
5․	Փետրվարի 11	Նոր Նորք, Ավան-հ․ 166 դպրոց	77	72
6․	Փետրվարի 13	Շենգավիթ, Նորք- Մարաշ, Նուբարաշեն- հ․ 86 դպրոց	35	60
7․	Փետրվարի 17	Քանաքեռ-Զեյթուն-հ․ 136 դպրոց	53	40
8․	Փետրվարի 20	Արաբկիր-հ․ 130 դպրոց	55	75
9․	Փետրվարի 25	Դավթաշեն,  հ․ 200 դպրոց,  ոչ պետական դպրոցներ,  ՀՀ ԱՆ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի մասնագետներ, հանր․ դպրոցների ուսուցիչներ	144	Հանր․ դպրոց -22   Ոչ պետական դպրոցներ՝ 43   Իրավ․ կրթ․- 7   Ընդհ․ 72
	9 սեմինար		Ընդհ․ 711 սովորող	Ընդհ․ 560 ուսուցիչ