Ապրիլի 23-ին Երևանի և ՀՀ մարզերի 47 մենթոր դպրոցներում կանցկացվի ուսուցչական մարզային համաժողով՝ «Տեխնոլոգիական նորարարությունների դերը կրթության մեջ» խորագրով։ Համաժողովը միտված է ձևավորելու համագործակցային հարթակ ուսուցիչների և կրթության ոլորտի մասնագետների համար՝ տեխնոլոգիական նորարարությունների կիրառման լավագույն փորձի փոխանակման նպատակով։
Միջոցառման շրջանակում կներկայացվի շուրջ 1000 զեկույց, կքննարկվեն կրթական գործընթացում թվային գործիքների, արհեստական բանականության, առցանց հարթակների և այլ նորարարական տեխնոլոգիաների կիրառման արդյունավետ ուղիները՝ ուղղված ուսուցման որակի բարձրացմանը և կրթության արդիականացմանը։
Համաժողովի հիմնական ուղղություններն են՝
- «Ավագ դպրոցներում արհեստական բանականության ուսուցման ծրագրեր»
- «Դպրոցահասակ երեխաների արտադպրոցական տեխնոլոգիական կրթություն»
- «ԱԲ կիրառումը դասավանդելու և սովորելու գործընթացում»
- «Տեխնոլոգիաների կիրառման ռիսկեր, էթիկական խնդիրներ»
- «Կիբերանվտանգություն և թվային գրագիտություն»
Մանրամասները՝ առաջիկայում։
Comments
Post a Comment