ՀԱՅՏԱՐԱՐՈՒԹՅՈՒՆ

ԿԶՆԱԿ հիմնադրամը հայտարարում է արտաքին մրցույթ՝ դասընթացավարի (մենթորի) հավակնորդի ընտրության նպատակով՝ «Դասերի դիտարկումը, վերլուծությունը և հետադարձ կապի ապահովումը՝ որպես որակի ապահովման մեխանիզմ» թեմայով դասընթացի համար։

Մրցույթին կարող են դիմել այն մասնագետները, որոնք ունեն հանրակրթական ուսումնական հաստատությունում վերջին 7 տարվա ընթացքում առնվազն 5 (հինգ) տարվա մանկավարժական աշխատանքային փորձ և նախարարության ենթակայության կառույցների (ԿԶՆԱԿ, ԿՏԱԿ, ՀՄԿ) կողմից կազմակերպված ուսուցչի վերապատրաստումներ իրականացնելու կամ մենթորական աշխատանք կատարելու փորձառություն։

Ընտրությունն իրականացվելու է երկու փուլով՝ փաստաթղթային և հարցազրույցի։

Փաստաթղթային փուլը հաղթահարած հավակնորդները կմասնակցեն վերապատրաստման դասընթացին։ Դասընթացի համար սահմանված շեմը հաղթահարելու դեպքում նրանք կանցնեն հարցազրույցի փուլ։ Հարցազրույցի ընթացքում հավակնորդները պետք է անցկացնեն տվյալ դասընթացի թեմայով 5–7 րոպե տևողությամբ առցանց փորձնական դաս, ինչպես նաև պատասխանեն հանձնաժողովի անդամների հարցերին։

Դիմելու համար անհրաժեշտ է ներկայացնել հետևյալ փաստաթղթերը`(zip, rar ամբողջական փաթեթներով, հղման տեսքով չուղարկել)

• գրավոր դիմում՝ ուղղված ԿԶՆԱԿ հիմնադրամի համապատասխան դասընթացի/դասընթացների համար դասընթացավար ընտրող հանձնաժողովի նախագահին`  նշելով  դասընթացի թեման,  որին հավակնում է որպես դասընթացավար, 
• լրացված ձևաչափ (Excel ֆայլ), հղում ներբեռնել ֆայլը,
• ինքնակենսագրություն (CV), 
• անձնագրի տեսաներածված (scan) տարբերակ, 
• մասնագիտական կրթությունը հավաստող փաստաթղթի (դիպլոմի) տեսաներածված (scan) տարբերակ, 
•  աշխատավայրից տեղեկանք՝ տեսաներածված (scan) տարբերակով, 
• համապատասխանության փաստաթղթեր (տեղեկանքներ, վկայականներ)՝ տեսաներածված (scan) տարբերակներով։

Փաստաթղթերը պետք է ներկայացվեն մեկ փաթեթով՝ ԿԶՆԱԿ հիմնադրամի

📧 kznakmentor@gmail.com էլեկտրոնային փոստի հասցեին՝ նամակի վերնագրում պարտադիր նշելով դասընթացի թեման։

Փաստաթղթերի ընդունման վերջնաժամկետն է ապրիլի 8-ը, ժամը՝ 18:00։

Թերի կամ սահմանված ժամկետից ուշ ներկայացված փաստաթղթերի փաթեթները չեն դիտարկվի։