Հարգելի՛ ուսուցիչներ, աշակերտներ և ծնողներ,
Ուրախությամբ տեղեկացնում ենք, որ 2026թ. ապրիլի 11-ին, ժամը 12:00-19:00-ը, Ա. Սպենդիարյանի անվան օպերայի և բալետի ազգային ակադեմիական թատրոնի առաջին հարկի նախասրահում տեղի կունենա «USOOMFest 2026» կրթական էքսպո-ցուցահանդեսը, որը առաջին անգամ կազմակերպում է «London Eye ITC» ՍՊԸ-ն։
Միջոցառման նպատակն է ստեղծել հարթակ՝ կրթական կազմակերպությունների, ուսումնական հաստատությունների և սովորողների միջև արդյունավետ համագործակցության, փորձի փոխանակման և կրթական հնարավորությունների ներկայացման համար։
Մեր նպատակն է աջակցել դպրոցներին՝ իրականացնելու սովորողների մասնագիտական կողմնորոշման իրենց առաքելությունը: Էքսպոն դպրոցականներին կտա հետևյալ կիրառական արժեքները.
- Կրթական շարունակականության ապահովում: Սովորողը մեկ վայրում տեսնում է իր զարգացման բոլոր հնարավոր ուղիները՝ առաջատար ավագ դպրոցներից մինչև միջին մասնագիտական և բուհական հաստատություններ,
- Գիտակցված ընտրություն: Ուղիղ կապ հաստատելով հաստատությունների ներկայացուցիչների հետ՝ դիմորդները ստանում են սպառիչ տեղեկատվություն
- Ընդունելության կարգի, կրթաթոշակների և հետագա կարիերայի հեռանկարների վերաբերյալ:
- Գործնական գիտելիք: Սա պարզապես էքսպո չէ, այլ ուսումնական միջավայր, որտեղ սովորողը հասկանում է աշխատաշուկայի արդի պահանջները:
Մանրամասն տեղեկություններին ծանոթանալու համար անցեք հետևյալ հղումով։
«USOOMFest 2026» կրթական էքսպո-ցուցահանդեսին մասնակցելու համար գրանցվեք հղումով։
Comments
Post a Comment