ՀԱՅՏԱՐԱՐՈՒԹՅՈՒՆ

 ԿԶՆԱԿ հիմնադրամը հայտարարում է արտաքին մրցույթ՝ դասընթացավարի (մենթորի) հավակնորդի ընտրության նպատակով՝ «Դասավանդման և ուսումնառության մեթոդներ» թեմայով դասընթացի համար։

Մրցույթին կարող են դիմել այն մասնագետները, որոնք աշխատում են դպրոցում, ունեն հանրակրթական ուսումնական հաստատությունում վերջին 7 տարվա ընթացքում առնվազն 5 (հինգ) տարվա մանկավարժական աշխատանքային փորձ և նախարարության ենթակայության կառույցների (ԿԶՆԱԿ, ԿՏԱԿ, ՀՄԿ) կողմից կազմակերպված ուսուցչի վերապատրաստումներ իրականացնելու կամ մենթորական աշխատանք կատարելու փորձառություն։

Ընտրությունն իրականացվելու է երկու փուլով՝ փաստաթղթային և հարցազրույցի։

Փաստաթղթային փուլը հաղթահարած հավակնորդները կմասնակցեն վերապատրաստման դասընթացի։ Դասընթացի համար սահմանված շեմը հաղթահարելու դեպքում նրանք կանցնեն հարցազրույցի փուլ։ Հարցազրույցի ընթացքում հավակնորդները պետք է անցկացնեն տվյալ դասընթացի թեմայով 5–7 րոպե տևողությամբ առցանց փորձնական դաս, ինչպես նաև պատասխանեն հանձնաժողովի անդամների հարցերին։

Դիմելու համար անհրաժեշտ է ներկայացնել հետևյալ փաստաթղթերը`(zip, rar ամբողջական փաթեթներով, փաթեթը անվանել դիմողի անուն-ազգանունով, փաթեթը հղման տեսքով չուղարկել).

գրավոր դիմում՝ ուղղված ԿԶՆԱԿ հիմնադրամի  տվյալ դասընթացի համար դասընթացավար ընտրող հանձնաժողովի նախագահին`  նշելով  դասընթացի թեման,  որին հավակնում է որպես դասընթացավար, 

•  լրացված ձևաչափ,  ներբեռնել ֆայլը, (Excel ֆայլ), հղում լրացնել և ներառել zip փաթեթում,
• ինքնակենսագրություն (CV), 
• անձնագրի տեսաներածված (scan) տարբերակ, 
• մասնագիտական կրթությունը հավաստող փաստաթղթի (դիպլոմի) տեսաներածված (scan) տարբերակ, 
•  աշխատավայրից տեղեկանք՝ տեսաներածված (scan) տարբերակով, 
• համապատասխանության փաստաթղթեր (աշխատանքային փորձը և մենթորության փորձառությունը հավաստող տեղեկանքներ)՝ տեսաներածված (scan) տարբերակներով։

Փաստաթղթերը պետք է ներկայացելն մեկ փաթեթով (փաթեթը անվանել դիմողի անուն-ազգանունով)՝ ուղարկելուվ ԿԶՆԱԿ հիմնադրամի

📧kznakmentor@gmail.com էլեկտրոնային փոստի հասցեին, նամակի վերնագրում պարտադիր նշելով դասընթացի թեման։

Փաստաթղթերի ընդունման վերջնաժամկետն է ապրիլի 30-ը, ժամը՝ 18:00։

Թերի կամ սահմանված ժամկետից ուշ ներկայացված փաստաթղթերի փաթեթները չեն դիտարկվում։ Այն մասնակիցները, որոնք կընտրվեն այս փուլում,  արդյունքների  և դասընթացի մեկնարկի մասին կտեղեկացվեն Teams հարթակում՝ ներգրավվելով դասընթացի խմբերում։  

 Հարցերի դեպքում կարող եք զանգահարել 033572111 հեռախոսահամարով՝ աշխատանքային ժամերին։