Մշտադիտարկումներ Լոռու մարզի նախադպրոցական ուսումնական հաստատություններում

Մայիս  ամսին  ԿԶՆԱԿ հիմնադրամի Հանրակրթության պետական չափորոշչի և ուսումնական ծրագրերի բաժնի նախադպրոցական մասնագետների կողմից իրականացվեցին մշտադիտարկումներ Լոռու մարզի Սպիտակ քաղաքի  նախադպրոցական կրթական հիմնական ծրագրերով աշխատող ներքոնշյալ նախադպրոցական  ուսումնական հաստատություններում՝ 

• «Սպիտակ համայնքի թիվ 1 մանկապարտեզ» ՀՈԱԿ.  
• «Սպիտակ համայնքի թիվ 2 մանկապարտեզ» ՀՈԱԿ.  
• «Սպիտակ համայնքի թիվ 3 մանկապարտեզ» ՀՈԱԿ․ 

  Մշտադիտարկումների նպատակն էր՝ տեղում ծանոթանալ ուսումնադաստիարակչական աշխատանքներին, վերհանել դժվարությունները և տրամադրել մասնագիտական աջակցություն։    

Մշտադիտարկումների ընթացքում իրականացվել է փաստաթղթային ուսումնասիրություն, տրամադրվել խորհրդատվություններ և կազմակերպվել են «Ուսումնադաստիարակչական աշխատանքների կազմակերպումը՝ նախադպրոցական կրթության պետական կրթական չափորոշչի պահանջներին համապատասխան» թեմայով  սեմինարներ մանկավարժական համակազմերի համար։