Մշտադիտարկումներ Գեղարքունիքի և Արմավիրի մարզերի նախադպրոցական ուսումնական հաստատություններում

ՀՈՒՆԻՍ  ամսին  ԿԶՆԱԿ հիմնադրամի Հանրակրթության պետական չափորոշչի և ուսումնական ծրագրերի բաժնի նախադպրոցական մասնագետների կողմից իրականացվեցին մշտադիտարկումներ Գեղարքունիքի և Արմավիրի նախադպրոցական կրթական հիմնական ծրագրերով աշխատող ներքոնշյալ նախադպրոցական  ուսումնական հաստատություններում՝

• «Նորատուսի Սասուն Հակոբյանի անվան թիվ 1 մանկապարտեզ» ՀՈԱԿ. 

• «Նորատուսի թիվ 2  մանկապարտեզ» ՀՈԱԿ. 

• «Արմավիր համայնքի Արմավիր քաղաքի թիվ 1 մսուր մանկապարտեզ» ՀՈԱԿ․

Մշտադիտարկումների նպատակն էր տեղում ծանոթանալ ուսումնադաստիարակչական աշխատանքներին, վերհանել դժվարությունները և տրամադրել մասնագիտական աջակցություն։   

Մշտադիտարկման ընթացքում դիտարկվել են կանոնակարգային տարբեր պահեր՝  առավոտյան ընդունելություն, խաղեր, զբոսանք, պարապմունքներ և այլն։  

Իրականացվել է փաստաթղթային ուսումնասիրություն, տրամադրվել անհատական խորհրդատվություն և կազմակերպվել են «Ուսումնադաստիարակչական աշխատանքների կազմակերպումը՝ նախադպրոցական կրթության պետական կրթական չափորոչշի պահանջներին համապատասխան» թեմայով  սեմինարներ մանկավարժական համակազմերի համար։