2026 թվականի մայիս-հունիս ամիսներին ԿԶՆԱԿ հիմնադրամի կողմից մեկնարկել է նախադպրոցական ուսումնական հաստատությունների մանկավարժական աշխատողների շարունակական մասնագիտական զարգացմանն ուղղված վերապատրաստման դասընթացների շարքը։
Ծրագրի նպատակն է ապահովել մանկավարժական աշխատողների մասնագիտական կարողությունների զարգացումը և աջակցել նախադպրոցական կրթության պետական կրթական չափորոշչի ու կրթական հիմնական ծրագրերի արդյունավետ իրականացմանը։
ՀՀ ԿԳՄՍՆ նախարարի «2024-2025 ուսումնական տարում նախադպրոցական կրթության պետական կրթական չափորոշչի ներդրման նպատակով վերապատրաստումներ իրականացնելու համար մենթոր նախադպրոցական ուսումնական հաստատությունների ցանկը հաստատելու մասին (7 հունիսի, 2024 թվական)» N 38-Լ հրամանով հաստատված մենթոր նախադպրոցական ուսումնական հաստատությունների մենթորները վերապատաստվել և համապատասխան ուղղորդումներ ստացել են ԿԶՆԱԿ հիմնադրամի մասնագետների և փորձագետի կողմից:
«Պարապմունքի պլանավարում» թեմայի վերաբերյալ ուղղորդումները տրվել են ԿԶՆԱԿ հիմնադրամի մասնագետներ Անահիտ Վիրաբյանի և Աննա Ամիրջանյանի կողմից:
«Շախմատը նախադպրոցական ուսումական հաստատությունում» թեմայով վերապատրաստում մենթորների համար իրականացվել է ԿԶՆԱԿ հիմնադրամի փորձագետ Մարիաննա Ամիրաղյանի կողմից:
Հաջորդիվ մենթորները մեկնարկել վերապատրաստման գործընթացը միաժամանակ 135 խմբերում։
Վերապատրաստումներին մասնակցում են նախադպրոցական ուսումնական հաստատությունների մեթոդիստները, դաստիարակները, երաժշտության դաստիարակները, ֆիզհրահանգիչները, ինչպես նաև դպրոցահեն նախակրթարանների դաստիարակները։
Վերապատրաստումներն անցնում են ակտիվ և կառուցողական մթնոլորտում:
.png)
.png)
Comments
Post a Comment