Մշտադիտարկումներ Երևան և Գյումրի քաղաքների նախադպրոցական ուսումնական հաստատությունների վաղ մանկության տարիքի երկրորդ խմբերում (պիլոտային ծրագիր, 1-2 տարեկաններ)
Հունիս ամսին ԿԶՆԱԿ հիմնադրամի նախադպրոցական մասնագետներ Աննա Ամիրջանյանի և Անահիտ Վիրաբյանի կողմից իրականացվեցին մշտադիտարկումներ 1-2 տարեկան սաների հետ աշխատող ներքոնշյալ նախադպրոցական ուսումնական հաստատություններում՝
- «Երևանի հ․ 77 մսուր-մանկապարտեզ» ՀՈԱԿ․
- Գյումրի համայնքի «Ժպիտ-մսուր մանկապարտեզ» ՀՈԱԿ․
- Գյումրի համայքնի «Հուսո առագաստ-մսուր մանկապարտեզ» ՀՈԱԿ․
- «Երևանի Լ․ Կատվալյանի անվ․ հ․ 86 մսուր-մանկապարտեզ» ՀՈԱԿ․
Երևանի քաղաքում իրականացված մշտադիտարկումներին ներկա էր ԿԳՄՍ նախարարության Հանրակրթության վարչության գլխավոր մասնագետ Թեհմինե Կարախանյանը:
Գյումրի համայնքի ՆՈՒՀ-երում վաղ մանկության տարիքի երկրորդ խմբի (1-2 տարեկաններ) գործունեությունը մեկնարկել է մարտ ամսից, իսկ Երևան քաղաքի ՆՈՒՀ-երում՝ դեկտեմբեր ամսից։
Մշտադիտարկումների ընթացքում ուսումնասիրվեցին սաների հետ իրականացվող մանկավարժական աշխատանքները, ծնողական համայնքի հետ աշխատանքի առանձնահատությունները, գույքային հագեցվածությունը և այլն:
Հաջորդիվ իրականացվեց փաստաթղթային ուսումնասիրություն և կազմակերպվեցին սեմինարներ՝ «Ուսումնադաստիարակչական աշխատանքների կազմակերպումը՝ նախադպրոցական կրթության պետական կրթական չափորոշչի պահանջներին համապատասխան» թեմայով:
Comments
Post a Comment