Մրցույթ`«Կրթության զարգացման և նորարարությունների ազգային կենտրոն» հիմնադրամի Տնտեսական բաժնի պետի թափուր պաշտոնը զբաղեցնելու համար

                Տնտեսական բաժնի պետի հիմնական գործառույթները՝ 

1․ Կազմակերպում, համակարգում և վերահսկում է ԿԶՆԱԿ հիմնադրամի տնտեսական սպասարկման ամբողջ գործընթացը՝ ապահովելով տնտեսական ծառայությունների պատշաճ, անխափան և արդյունավետ աշխատանքը։ 

2․ Կազմակերպում է ԿԶՆԱԿ-ի շենքի, տարածքների, գույքի, կահույքի, սարքավորումների և այլ նյութական արժեքների պատշաճ պահպանությունը, նպատակային ու արդյունավետ օգտագործումը և անվտանգ շահագործումը։ 

3․ Կազմակերպում և վերահսկում է շենքի ու ենթակառուցվածքների ընթացիկ սպասարկումը, տեխնիկական խնդիրների ժամանակին բացահայտումը և դրանց լուծման կազմակերպումը, անհրաժեշտության դեպքում ներկայացնում է վերանորոգման կամ այլ աշխատանքների իրականացման առաջարկություններ։ 

4․ Վերահսկում է ջեռուցման, ջրամատակարարման, էլեկտրամատակարարման և այլ ինժեներական համակարգերի, էլեկտրական սարքավորումների ու հրդեհային ազդարարման համակարգերի սարքին և անխափան շահագործումը, իսկ խափանումների կամ ռիսկերի դեպքում կազմակերպում է անհրաժեշտ արձագանքը։ 

5․ Կազմակերպում և վերահսկում է ԿԶՆԱԿ-ի տարածքների մաքրության, սանիտարահիգիենիկ, պատշաճ վիճակի, ինչպես նաև տնտեսական սպասարկման, շենքի ջեռուցման աշխատանքների կազմակերպման և վերահսկողական, աշխատանքները։ 

6․ Կազմակերպում է պահեստի աշխատանքը՝ ապրանքների և նյութական արժեքների ընդունումը, պատշաճ տեղաբաշխումը, պահպանումը և սահմանված կարգով բացթողումը՝ ապահովելով դրանց փաստացի առկայության և շարժի վերահսկելիությունը։ 

7․ Ապահովում է պահեստային շարժի վերաբերյալ անհրաժեշտ գրանցումների և փաստաթղթերի պատշաճ վարումը, կազմում և սահմանված կարգով ներկայացնում է անհրաժեշտ տեղեկություններ ու հաշվետվություններ։ 

8․ Իր իրավասության շրջանակում կազմակերպում և մասնակցում է գույքի ու նյութական արժեքների ընդունման-հանձնման, տեղափոխման, գույքագրման և դուրսգրման գործընթացներին՝ համագործակցելով հաշվապահական և այլ պատասխանատու ստորաբաժանումների հետ։ 

9․ Պարբերաբար բացահայտում և ամփոփում է ԿԶՆԱԿ-ի տնտեսական և նյութատեխնիկական կարիքները, գնահատում դրանց առաջնահերթությունը և սահմանված կարգով ներկայացնում համապատասխան առաջարկություններ ու պահանջներ։ 

10․ ԿԶՆԱԿ-ի կարիքների համար նախատեսվող ապրանքների, աշխատանքների և ծառայությունների ձեռքբերման նպատակով ձևավորում կամ ապահովում է տեխնիկական բնութագրերի, քանակական և որակական պահանջների ու այլ անհրաժեշտ տեխնիկական տվյալների մշակումը և դրանք տրամադրում գնումների պատասխանատուին։ 

11․ Իր իրավասության շրջանակում մասնակցում է մատակարարված ապրանքների, կատարված աշխատանքների և մատուցված տնտեսական ծառայությունների՝ սահմանված տեխնիկական պահանջներին, քանակին և որակին փաստացի համապատասխանության ստուգմանը և արձանագրված խնդիրների մասին տեղեկացնում համապատասխան պատասխանատուներին։ 

12․ Կազմակերպում և վերահսկում է ԿԶՆԱԿ-ի տրանսպորտային սպասարկումը, ծառայողական տրանսպորտային միջոցների պատշաճ շահագործումը և տեխնիկական սպասարկումը։ 

13․ Կազմակերպում է ԿԶՆԱԿ-ի միջոցառումների, հանդիպումների և այլ աշխատանքային գործընթացների տնտեսական ու նյութատեխնիկական ապահովումը՝ իր իրավասության շրջանակում։ 

14․ Կազմակերպում, համակարգում և վերահսկում է բաժնի աշխատողների աշխատանքը, բաշխում է առաջադրանքները և հետևում դրանց ժամանակին ու պատշաճ կատարմանը։ 

15․ Բացահայտում և գնահատում է տնտեսական գործունեության հետ կապված տեխնիկական, գույքային, անվտանգության և ծառայությունների անխափանության ռիսկերը, ձեռնարկում իր իրավասությունից բխող կանխարգելիչ միջոցներ և էական խնդիրների մասին ժամանակին տեղեկացնում անմիջական ղեկավարին։ 

16․ Հետևում է կոմունալ և տնտեսական ծառայությունների պատշաճ մատուցմանը և ռեսուրսների ողջամիտ ու խնայող օգտագործմանը, իսկ խնդիրների կամ շեղումների դեպքում նախաձեռնում համապատասխան լուծումներ։ 

17․ Իր իրավասության շրջանակում պատրաստում և անմիջական ղեկավարին ներկայացնում է տեղեկանքներ, զեկուցագրեր, առաջարկություններ և այլ աշխատանքային փաստաթղթեր՝ տնտեսական գործընթացների վիճակի, կարիքների, խնդիրների և դրանց լուծման վերաբերյալ։ 

Նշված թափուր պաշտոնը զբաղեցնելու համար պահանջվում է՝

1․ Բարձրագույն կրթություն։ 

2․ Առնվազն 5 տարվա ընդհանուր աշխատանքային ստաժ, որից ցանկալի է առնվազն 3 տարին՝ վարչատնտեսական, նյութատեխնիկական, գույքի կամ շենքի կառավարման կամ կազմակերպչական աշխատանքներում։ Ղեկավար կամ աշխատանքների համակարգման փորձը կդիտվի որպես առավելություն։ 

3․ Համակարգչային և թվային գործիքներով վստահ աշխատելու կարողություն՝ առնվազն Microsoft Office (Word, Excel, PowerPoint և այլն), էլեկտրոնային փոստ, համացանց և էլեկտրոնային փաստաթղթաշրջանառության համակարգեր։ 

4․ Վարչատնտեսական աշխատանքի, գույքի և նյութական արժեքների պահպանության, պահեստային գործընթացների, շենքի շահագործման և տնտեսական ծառայությունների կազմակերպման համար անհրաժեշտ գործնական գիտելիքներ։ 

5․ Աշխատանքների պլանավորման, առաջնահերթությունների սահմանման, խնդիրների արագ գնահատման, առաջադրանքների բաշխման և կատարման վերահսկման կարողություններ։ 

6․ Թիմային աշխատանքի կազմակերպման, արդյունավետ հաղորդակցության, միջանձնային հարաբերությունների և աշխատանքային էթիկայի բարձր մակարդակ։ 

7․Բարձր պատասխանատվություն, բարեվարքություն, ճշտապահություն, կազմակերպվածություն և ԿԶՆԱԿ-ի գույքի ու ռեսուրսների նկատմամբ հոգատար և պատասխանատու վերաբերմունք։ 

8․ Գրավոր և բանավոր հստակ հաղորդակցման, աշխատանքային փաստաթղթեր, տեղեկանքներ և զեկուցագրեր կազմելու կարողություն։ 

9․ Առնվազն մեկ օտար լեզվի աշխատանքային մակարդակի իմացությունը կդիտվի որպես առավելություն։ 

• Դիմումների ընդունման ժամկետն է`  21.08.2026 – 30.08.2026 թթ.:

 Աշխատավարձի չափը՝  316,250 ՀՀ դրամ, որն իր մեջ ներառում է ՀՀ բոլոր հարկերը և այլ պարտադիր վճարները:

Մրցույթին մասնակցելու համար անձը հանձնաժողովին է ներկայացնում`

1) հանձնաժողովի անունով գրավոր դիմում (ձևաչափը ազատ)՝ նշելով այն թափուր պաշտոնի անվանումը, որին հավակնում է,

2) անձնագրի պատճենը,

3) ինքնակենսագրություն,

4)թափուր պաշտոնը զբաղեցնելու համար մասնագիտական գիտելիքներին և աշխատանքային ունակություններին ներկայացվող պահանջների բավարարումը հավաստող փաստաթղթերի, հավաստագրերի պատճենները (դրանց առկայության դեպքում),

5) այլ պետությունների քաղաքացիները` Հայաստանի Հանրապետությունում աշխատելու իրավունքը,

6) Հայաստանի Հանրապետության արական սեռի քաղաքացիները ներկայացնում են զինգրքույկ,

Մրցույթին մասնակցելու համար փաստաթղթերը ներկայացվում են միայն էլեկտրոնային փոստի միջոցով (էլ. փոստ hr@kznak.am): Փաստաթղթերն ընդունվում են ամեն օր:

Դիմումների ընդունման վերջին ժամկետն է` 30.08.2026թ.:

Մրցույթն անցկացվում է երկու փուլով` փաստաթղթային և հարցազրույց, ս/թ․ սեպտեմբերի 3-ին`ժամը 10։40-ից, հասցե՝ Երևան, Տիգրան Մեծի 67, 2-րդ հարկ, 201 սենյակ (անձը հաստատող փաստաթղթի առկայությունը պարտադիր է)։

Լրացուցիչ տեղեկությունների համար զանգահարել (033)57-21-10 հեռախոսահամարով, աշխատանքային օրերին մինչև ժամը 18:00: