ChatGPT Edu-ն ուսուցչի աշխատանքում․ գործնական ուղեցույցների շարքը շարունակվում է

«Կրթության զարգացման և նորարարությունների ազգային կենտրոն» հիմնադրամը՝ OpenAI-ի ներկայացուցիչների հետ համագործակցությամբ, ներկայացնում է ուսուցիչների համար նախատեսված գործնական ուղեցույցների շարքի հաջորդ երեք նյութերը։

Նոր ուղեցույցներն անդրադառնում են ChatGPT-ի կիրառման հետևյալ ուղղություններին՝

• Ուղեցույց 4․ ChatGPT-ի անհատականացում և աշխատանքի կազմակերպում նախագծերի միջոցով,

• Ուղեցույց 5․ ուսումնական սահիկաշարերի և պատկերային նյութերի ստեղծում ChatGPT-ի աջակցությամբ,

• Ուղեցույց 6․ ուսումնական տվյալների վերլուծություն և հետագա քայլերի պլանավորում ChatGPT-ի աջակցությամբ։

Ուղեցույցներում ներկայացված են կիրառման հստակ քայլեր, գործնական հարցումների օրինակներ և ստուգաթերթեր։ Դրանք կօգնեն ուսուցիչներին համակարգված կազմակերպել աշխատանքը, մշակել ու վերանայել ուսումնական նյութերը, անվտանգ վերլուծել անանունացված և ընդհանրացված տվյալները, ինչպես նաև վերլուծության արդյունքների հիման վրա պլանավորել հետագա մանկավարժական քայլերը։

Նյութերը մշակվել են OpenAI-ի՝ ուսուցիչների վերապատրաստման համար նախատեսված ռեսուրսների հիման վրա և հարմարեցվել Հայաստանի հանրակրթական համակարգի համատեքստին։

Շարքը շարունակվելու է՝ ներկայացնելով ChatGPT Edu-ի անվտանգ, պատասխանատու և նպատակային կիրառման նոր ուղղություններ։