Ուսուցչի կրթությունը՝ կանաչ և թվային անցման համատեքստում

Հոկտեմբերի 30-ին ԿԶՆԱԿ հիմնադրամը Էրազմուս+ կարողությունների զարգացման T4GREEN ծրագրի շրջանակում կազմակերպեց առցանց հանդիպում՝ նվիրված Հայաստանի Հանրապետության ուսուցչի կրթության ազգային հայեցակարգի նախագծի (2027–2035) հանրայնացմանը։ Հայեցակարգի մշակումն իրականացվել է  նշված ծրագրի շրջանակում, որում ներգրավված է եղել նաև ԿԶՆԱԿ հիմնադրամը։ 

Հանդիպման ընթացքում ներկայացվեցին հայեցակարգի հիմնական ուղղությունները, ուսուցիչների կրթության և մասնագիտական զարգացմանն առնչվող առաջարկվող լուծումները, ինչպես նաև կանաչ և թվային կրթության գաղափարը և կրթական գործընթացում դրանց ներառման հնարավորությունները։
Քննարկման առանցքում էին ուսուցչի շարունակական մասնագիտական զարգացումը կանաչ և թվային կրթությանն անցման համատեքստում, թվային գործիքների կիրառումը, ներառական կրթության ապահովումը, կրթական բովանդակության արդիականացումը և կայուն զարգացման արժեքների ձևավորումը, որոնք դրված են հայեցակարգի։
Հանդիպումը ևս մեկ հնարավորություն էր համատեղ դիտարկելու, թե ինչպես կարող է ուսուցչի կրթությունը արձագանքել ժամանակակից դպրոցի պահանջներին և նպաստել պատասխանատու, նորարար ու ապագային միտված կրթական միջավայրի ձևավորմանը։